हितोपदेश 24:2 - नेवाः बाइबल

² छाय्‌धाःसा इमिगु नुगलय् ल्‍वायेगु व स्‍यायेगु खँ जक दइ, अले दुःख बीगु जक खँ ल्‍हाना जुइ।

हितोपदेश 24:2 ပူးပေါင်းရင်းမြစ်များ

अय्‍यूब 15:35

इमिसं संकट प्‍वाथय् दय्‌की अले अधर्म बुइकी, इमिगु मनय् न्‍ह्याबलें धोखा हे धोखा दइ।”

भजनसंग्रहया सफू 10:7

इमिगु म्‍हुतु सराः, मखुगु खँ व ख्‍याच्‍वलं जक जायाच्‍वनी। इमिगु मेच्‍वकाय् स्‍यंकेगु व दुष्‍ट खँ जक दयाच्‍वनी।

भजनसंग्रहया सफू 140:2

इमिसं थःगु नुगलय् मभिंगु ग्‍वःसा ग्‍वइ, अले न्‍हियान्‍हिथं ल्‍वापु थनाच्‍वनी।

भजनसंग्रहया सफू 28:3

मभिंगु ज्‍या याइपिं दुष्‍टतलिसें जितः सजाँय बियादी मते। इमिसं म्‍हुतुं ला थः जःलाखःलापिंलिसे नाइक खँ ल्‍हाइ, इमिगु नुगलं धाःसा मभिंगु जाः ग्‍वयाच्‍वनी।

भजनसंग्रहया सफू 36:4

लासाय् ग्‍वारातुलीबलय् तक नं इमिसं मभिंगु ग्‍वसाः ग्‍वयाच्‍वनी। इमिगु ज्‍या छुं नं भिंगु मदु। मभिंगु यायेत धाःसा इपिं छपलाः हे लिचिली मखु।

भजनसंग्रहया सफू 38:12

जितः स्‍यायेत स्‍वयाच्‍वंपिन्‍सं थुबलय् हे जाः ग्‍वयाच्‍वंगु दु, जिगु मभिं तुनाच्‍वंपिन्‍सं जितः सिधय्‌केगु ख्‍याच्‍वः बियाच्‍वंगु दु। न्‍हियान्‍हिथं इमिसं जिगु विरोधय् जाः ग्‍वयाच्‍वंगु दु।

भजनसंग्रहया सफू 7:14

गुम्‍हय्‌सिनं मभिंगु खँ बिचाः याइ, अले मभिंगु ग्‍वसाः ग्‍वयाजुइ, वं छलकपट जक याना जुइ।

हितोपदेश 1:10

हे जिकाय्! पापीतय्‌सं ह्यय्‌कः वल धाःसां इमिगु खँय् जुइ मते।

हितोपदेश 24:8

न्‍ह्याबलें मभिंगु जक ग्‍वसाः ग्‍वयाजुइपिं दुःख बीपिं धकाः नां जाइ।

हितोपदेश 6:14

इमिगु मभिंगु नुगलं मभिंगु जक जाः ग्‍वयाच्‍वनी, अले न्‍ह्याबलें ल्‍वापु थानाच्‍वनी।

हितोपदेश 6:18

मभिंगु जाः ग्‍वइगु नुगः मभिंगु ज्‍या यायेत हथाय् चाइगु तुति

यशैया 30:12

अथे जुयाः इस्राएलया पवित्र परमेश्‍वरं धयादी, “छिमिसं जिगु बुखँयात हेला याःगु दु, अले अत्‍याचारय् व मखुगु खँय् भरोसा तइ।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

मीका 7:3

सकलें मभिं ज्‍या याये सः, शासकत व न्‍यायाधीशतय्‌सं घुस फ्‍वनीगु, शक्ति दुपिन्‍सं इमित छु यः व हे आज्ञा बियाच्‍वनी। थुकथं इपिं सकलें मिलय् जुयाः मखुगु ज्‍या यायेत ग्‍वसाः ग्‍वइ।

प्रेरित 13:10

“छ शैतानया मचा, फुक्‍क भिंगु ज्‍याया शत्रु, लुच्‍चा, थगय् जक यानाः नया जुइम्‍ह, छु छं प्रभुयागु सत्‍य खँयात स्‍यंकेत स्‍वयेगु ज्‍या त्‍वःते मखु ला?

१ शमूएल 23:9

शाऊलं थःत हमला यायेत तयार याःगु दु धइगु खँ न्‍यनाः दाऊदं पुजाहारी अबियाथारयात धाल, “एपोद ज्‍वनाः थन वा।”