हितोपदेश 21:3 - नेवाः बाइबल

³ परमप्रभुयात झीसं छायेगु देछा स्‍वयाः छु भिं, छु पाय्‌छि जू व हे याःगु यः।

हितोपदेश 21:3 ပူးပေါင်းရင်းမြစ်များ

भजनसंग्रहया सफू 40:7

उकिं जिं लिसः बियाः धया, “जि वये धुन, व्‍यवस्‍थाय् जिगु बारे च्‍वया तः थें।

भजनसंग्रहया सफू 50:8

छं जिथाय् छायेहःगु होमबलि व बलिदानया खँय् जिं छन्‍त ब्‍वःबी मखु।

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

होशे 6:6

छाय्‌धाःसा जितः बलि मखु, दयामाया यः, अले होमबलि स्‍वयाः छिमिसं परमेश्‍वरयात मानय् याःगु अज्‍ज अप्‍वः यः।

जकरिया 7:9

“दक्‍व शक्ति दुम्‍ह परमप्रभुं थथे धयादी, ‘खःगु न्‍याय या, थवंथवय् दयामाया व माया क्‍यँ।

मर्कूस 12:33

अथे जूगुलिं परमेश्‍वरयात दुनुगलंनिसें वाःचाय्‌काः माया यायेगु, अले बलं फतलय् माया यायेगु, अले हानं जःलाखःलायात थःत थें माया यायेगु ला बलि बीगु व होमबलि स्‍वयाः तसकं भिं।”

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।