हितोपदेश 21:2 - नेवाः बाइबल

² मनूतय्‌त थःगु चालचलन थःत पाय्‌छि थें ताइ, तर परमप्रभुं इमिगु नुगः जाँचय् यानादी।

हितोपदेश 21:2 ပူးပေါင်းရင်းမြစ်များ

अय्‍यूब 31:6

न्‍याययागु तराजुइ परमेश्‍वरं जितः लनादीमा, अले वय्‌कलं जि धर्मीम्‍ह खः धकाः सीकादीमा।

भजनसंग्रहया सफू 36:2

इमिसं थःपिन्‍त तसकं तःधं ताय्‌काजुइगुलिं परमेश्‍वरं इमिगु पाप खनी मखु, अले दोषी ठहरय् यानादी मखु धकाः च्‍वनी।

हितोपदेश 12:15

मूर्खतय्‌सं थःगु खँ हे खः ताय्‌की, तर बुद्धि दुपिन्‍सं मेपिनिगु सल्‍लाह नं न्‍यनी।

हितोपदेश 16:2

मनूतय्‌त थःपिनिगु थःगु फुक्‍क चालचलन ला पाय्‌छि हे थें च्‍वनी। तर परमप्रभुं उकियागु मनसुवाः छु खः धकाः जाँचय् यानादी।

हितोपदेश 16:25

गुलिं गुलिं लँ स्‍वयेबलय् बांलाः थें जुइ, तर उकिं मृत्‍यु तक थ्‍यंकेफु।

हितोपदेश 17:3

लुँ व वहः मिइ तयाः जाँचय् याइ। तर झीगु नुगः परमप्रभुं जाँचय् यानादी।

हितोपदेश 20:6

सकसिनं थःत विश्‍वास याये बहःम्‍ह मनू खः धकाः धयाजुइ। तर सुनां अज्‍याःम्‍ह मनू लुइके फइ?

हितोपदेश 24:12

“थ्‍व जिगु ज्‍या मखु” धकाः लिज्‍याये मते। परमेश्‍वरं सकसिगुं नुगःया खँ स्‍यू, अले वय्‌कलं छिमित नं स्‍वयाच्‍वनादीगु दु। वय्‌कलं छिमिगु नुगलय् छु दु धकाः स्‍यू। वय्‌कलं सुनां छु छु याःगु दु, व हे कथं लिच्‍वः बियादी।

हितोपदेश 30:12

छथ्‍वः मनूत अशुद्ध जूसां थःपिन्‍त तसकं शुद्ध ताय्‌काजुइपिं दु।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

दानिएल 5:27

“टेकेल – छःपिन्‍त तराजुइ लंगु दु, अले याउँसे च्‍वंगु लुइकूगु दु।

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

गलाती 6:3

थथे मयासें सुनानं थःम्‍हं थःत तःधंम्‍ह धकाः धयाजुल धाःसा वं थःम्‍हं थःत धोखा ब्‍यूगु जुइ।

याकूब 1:22

वचनयात न्‍यनेगु जक मखु, मानय् नं यायेगु या। थःम्‍हं थःत धोखा बी मते।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”