हितोपदेश 2:9 - नेवाः बाइबल

⁹ अले छं छु ज्‍यू, छु मज्‍यू, छु भिं, छु मभिं, छु न्‍याय, छु अन्‍याय धकाः सी।

हितोपदेश 2:9 ပူးပေါင်းရင်းမြစ်များ

भजनसंग्रहया सफू 119:105

छिगु वचन जिगु तुतिया निंतिं मत, अले जिगु लँपुया निंतिं जः खः।

भजनसंग्रहया सफू 119:99

जिमि गुरुत स्‍वयाः यक्‍व जिं थु, छाय्‌धाःसा जिं छिगु नियमय् ध्‍यान बिया।

भजनसंग्रहया सफू 25:12

परमप्रभुया ग्‍याःभय काइपिं सु दु? वय्‌कलं इमित इपिं वनेमाःगु लँपु क्‍यनादी।

भजनसंग्रहया सफू 32:8

छिं जितः धयादिल, “जिं छन्‍त छ वनेमाःगु लँ क्‍यनाबी। जिं छन्‍त स्‍यनेकने यानाः बिचाः यानाच्‍वने।”

हितोपदेश 28:5

दुष्‍ट मनूतय्‌सं न्‍याय धयागु छु धकाः सी मखु, परमप्रभुयात मानय् याइपिन्‍सं थ्‍व खँ बांलाक सी।

हितोपदेश 4:12

छ न्‍यासि जुइबलय् पलाः लद्याइ मखु, ब्‍वाँय् वंसां दइ मखु।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

हितोपदेश 8:20

जिं न्‍ह्याबलें धार्मिकता व न्‍यायया लँ लिना।

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यशैया 48:17

परमप्रभु, छन्‍त उद्धार यानादीम्‍ह व इस्राएलया पवित्र परमेश्‍वरं थथे धयादी, “जि परमप्रभु छिमि परमेश्‍वर खः, सुनां छंगु भिंया निंतिं छन्‍त स्‍यनादी, सुनां छ वनेमाःगु लँय् छन्‍त ब्‍वना यंकी।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।