8 वय्कलं न्यायया लँपुयात रक्षा यानादी, अले थःत विश्वास याइपिनिगु लँ बिचाः यानादी।
छाय्धाःसा परमप्रभुं धर्मीतय्गु लँयात रक्षा यानादी। तर दुष्टतय्गु लँ नाश जुयावनी।
परमप्रभुं थःत माया याइपिं सकसितं रक्षा यानादी, तर फुक्क मभिंपिन्त वय्कलं नाश यानादी।
वय्कलं जितः न्हूगु जीवन बियादी, वय्कलं थःगु नांया निंतिं जितः धार्मिकताया लँय् यंकादी।
छाय्धाःसा परमप्रभु सत्य यःम्ह खः, वय्कलं थःत विश्वास याइपिन्त गुब्सं त्वःतादी मखु। वय्कलं इमित न्ह्याबलें बचय् यानादी। मभिंपिं मनूतय् सन्तान धाःसा नाश जुइ।
परमेश्वरयागु व्यवस्था वयागु नुगलय् दयाच्वनी, वयागु पलाः गुब्सं चुलुइ मखु।
वय्कलं झीत म्वाकातःगु दु, वय्कलं झीत लुफिं हाये बियामदी।
परमप्रभुयात माया याइपिन्सं मभिंगुयात यय्की मखु, वय्कलं थः विश्वास याये बहःपिनिगु प्राण रक्षा यानादी, वय्कलं इमित दुष्टतय्गु ल्हातं बचय् यानादी।
जिं न्ह्याबलें धार्मिकता व न्यायया लँ लिना।
अन सुं सिंह दइ मखु, न सुं स्याइपिं पशु अनं जुयाः वनी। अन मेगु छुं नं खतरा दइ मखु। तर उद्धार जुइ धुंकूपिं जक व लँपुं वनेखनी।
मनूतय्त माया याइम्ह धात्थें छि हे खः, फुक्क पवित्र मनूत छिगु हे ल्हातय् दु। इपिं सकसिनं छिगु तुतिइ थःपिनिगु छ्यं क्वछुकी, अले छिपाखें सय्का सीका काइ,
परमेश्वरयात छिमिसं क्वात्तुक विश्वास यानाच्वंगुलिं वय्कःयागु शक्तिं छिमित मुक्ति बियादी। दकलय् लिपा थ्व मुक्ति छिमिगु न्ह्यःने खनेदः वइ।
छिमित दोष मदय्काः परमेश्वरया न्ह्यःने हयादीम्ह झी प्रभुयागु नां सदां तःधना च्वनेमा। थ्व हे प्रभुं छिमित पाप याकेबी मखु। थ्व हे प्रभुं छिमित आनन्दं तयादी।
वय्कलं विश्वास याये बहःपिनिगु रक्षा यानादी, दुष्टतय्त धाःसा खिउँगु थासय् सुम्क तयादी, “सुं मनूयागु शक्तिं वयात त्याकेफइ मखु।