हितोपदेश 2:6 - नेवाः बाइबल

⁶ छाय्‌धाःसा परमप्रभुं हे बुद्धि बियादी। अले वय्‌कःया म्‍हुतुं ज्ञान व दुग्‍यांया खँ पिहां वइ।

हितोपदेश 2:6 ပူးပေါင်းရင်းမြစ်များ

१ राजा 10:24

परमेश्‍वरं वयागु नुगलय् तयादीगु बुद्धि न्‍यनेत पृथ्‍वीयापिं फुक्‍क मनूतय्‌सं वयात नापलाये मास्‍ति वय्‌कीगु।

१ राजा 3:12

उकिं जिं छं धाःथें हे यानाबी। न्‍हापा सुयातं मदुगु व लिपा नं सुयातं मदइगु बुद्धि व थुइके फइगु मन जिं छन्‍त बी।

१ राजा 3:9

उकिं छिकपिनि प्रजायात खःकथं शासन यायेगु बुद्धि थः दासयात बियादिसँ। थुकिं जिं भिं व मभिंया दथुइ छु पाः व म्‍हसीके फइ। मखुसा गथे यानाः जिं थुलिमछि मनूतय्‌त शासन याये फइ?”

१ राजा 4:29

परमेश्‍वरं सोलोमनयात यक्‍व बुद्धि व ज्ञान अले समुद्र सिथय् च्‍वंगु फि ति हे दुग्‍यां बियादिल।

१ इतिहास 22:12

परमप्रभुं छन्‍त इस्राएलया अधिकार बियादीबलय् छं परमप्रभु छिमि परमेश्‍वरयागु व्‍यवस्‍था पालन यायेत वय्‌कलं छन्‍त बुद्धि व ज्ञान बियादीमा।

एज्रा 7:25

“छ एज्रां धाःसा छंके दुगु छिमि परमेश्‍वरयागु बुद्धिकथं यूफ्रेटिसया पच्‍छिमयागु प्रान्‍तयापिं छिमि परमेश्‍वरयागु व्‍यवस्‍था पालन यानाः न्‍याय याइपिं मनूत व हाकिमत ल्‍य। व्‍यवस्‍था मस्‍यूपिन्‍त धाःसा छं स्‍यँ।

नहेम्‍याह 7:5

उकिं भारदारत, हाकिमत व मनूतय्‌त, परिवार परिवार यानाः धलखय् नां च्‍वयेगु निंतिं मुंकेत जिमि परमेश्‍वरं जितः हःपाः बियादिल। जिं दकलय् न्‍हापा लिहां वःपिनिगु वंशावली लुइका। उकी थथे च्‍वयातःगु जिं खना।

अय्‍यूब 12:13

बुद्धि व शक्ति परमेश्‍वरयागु हे खः। वय्‌कःयाके हे सल्‍लाह व दुग्‍यां दु।

अय्‍यूब 12:16

शक्ति व बुद्धि वय्‌कःयागु हे खः। धोखा ब्‍यूम्‍ह व धोखा नःम्‍ह निम्‍हं वय्‌कःयाम्‍ह खः।

अय्‍यूब 22:22

वय्‌कःया म्‍हुतुं शिक्षा कयादिसँ छिं थःगु नुगलय् वय्‌कःया वचन थःगु मनय् तयादिसँ।

अय्‍यूब 32:8

तर मनूतय्‌गु दुने परमेश्‍वरया आत्‍मा दु, दक्‍व शक्ति दुम्‍ह परमेश्‍वरयागु सासः, गुम्‍हय्‌सिनं इमित दुग्‍यां बी।

भजनसंग्रहया सफू 119:104

छिगु उपदेशपाखें जितः बुद्धि दुम्‍ह दय्‌की, उकिं फुक्‍क मखुगु लँपु जितः मयः।

भजनसंग्रहया सफू 119:34

छिगु व्‍यवस्‍थाया अर्थ थुइकादिसँ। अले जिं व पालन याये, दुनुगलंनिसें जिं व पालन याये।

भजनसंग्रहया सफू 119:98

छिगु आज्ञा न्‍ह्याबलें जिगु मनय् दु, उकिं जितः जिमि शत्रुत स्‍वयाः बुद्धि दुम्‍ह दय्‌की।

भजनसंग्रहया सफू 19:7

परमप्रभुया स्‍यनातःगु खँ पक्‍का खः, थुकिं झीत न्‍हूगु बल बी। वय्‌कःयागु नियम विश्‍वास यायेबहः जू, थुकिं छुं मस्‍यूपिन्‍त ज्ञां बी।

भजनसंग्रहया सफू 19:8

परमप्रभुया उपदेश खःगु खः, थुकिं नुगःयात लय्‌ताय्‌की। परमप्रभुया स्‍यनातःगु खँ पाय्‌छिगु खः, थुकिं मिखायात जः बी।

भजनसंग्रहया सफू 51:6

छितः बूसांनिसें भिं मनू जूगु यः। उकिं जितः छिगु बुद्धि बियादिसँ।

भजनसंग्रहया सफू 94:10

वय्‌कलं जाति जातियात कजय् यानादी, छु वय्‌कलं छिमित सजाँय बियामदी ला? वय्‌कः सकल मनूतय्‌त स्‍यनेकने यानादीम्‍ह खः, छु वय्‌कःयाके थःगु ज्ञान मदइ ला?

प्रस्‍थान 31:3

अले जिं वयात परमेश्‍वरयागु आत्‍मां, सीपं, खुबीं व फुक्‍क कथंयागु ज्‍या यायेगु ज्ञानं जाय्‌का बियागु दु।

हितोपदेश 6:23

छाय्‌धाःसा इमिगु उजं मत खः, इमिगु न्‍वानाखँ जः खः, इमिसं ब्‍वःबियाः छं थःगु जीवन सुथां लाके फइ।

उपदेशक 2:26

परमेश्‍वरयात लय्‌ताय्‌कीम्‍ह मनूयात वय्‌कलं बुद्धि, ज्ञान व आनन्‍द बियादी। पापीतय्‌त धाःसा वय्‌कलं परमेश्‍वरयात लय्‌ताय्‌कीपिं मनूतय्‌गु निंतिं धन-सम्‍पत्ति मुंकेगु ज्‍या बियादी। थ्‍व नं सितिं वंगु अले फय्‌यात लिइगु थें जक खः।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

दानिएल 1:17

परमेश्‍वरं थुपिं प्‍यम्‍ह ल्‍याय्‌म्‍हतय्‌त फुक्‍क कथंया साहित्‍य थुइके फुपिं व बुद्धिया खँ सीके फुपिं यानादिल। दानिएलयात वय्‌कलं फुक्‍क कथंया दर्शन व म्‍हगसयागु खँ बांलाक थुइकेगु ज्ञान नं बियादिल।

दानिएल 2:21

वय्‌कः हे ई व ऋतुत हिलादीम्‍ह खः। वय्‌कलं हे जुजुपिं ल्‍ययेगु व लिकायेगु यानादी। वय्‌कलं बुद्धि दुपिन्‍त बुद्धि व ज्ञान दुपिन्‍त ज्ञान बियादी।

दानिएल 2:23

हे जिमि पुर्खातय् परमेश्‍वर, जिं छितः सुभाय् बियाः तःधंके, जिं छितः हनाबना याये। छिं हे जितः बल व बुद्धि बियादीगु दु। छिं जिमित प्रार्थनाया लिसः बियादीगु दु। अले छिं जुजुयागु म्‍हगस क्‍यनादिल।”

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।