हितोपदेश 2:12 - नेवाः बाइबल

^12-15 थुकिं छन्‍त मभिंगु ज्‍याखँ यानाजुइपिंपाखें तापाक तइ। अले भिंगु लँ त्‍वःताः मभिंगु खिउँगु लँय् जुयाच्‍वंपिं, मखुगु व दुष्‍ट ज्‍याय् लय्‌तायाजुइपिं, विश्‍वास याये बहःमजूपिं फताहातय्‌पाखें बचय् याइ।

हितोपदेश 2:12 ပူးပေါင်းရင်းမြစ်များ

भजनसंग्रहया सफू 101:4

मभिंगु मति दुपिं मनूतपाखें जि तापाक च्‍वने। जिं मभिं ज्‍या नाप छुं स्‍वापु तये मखु।

भजनसंग्रहया सफू 141:4

दुष्‍ट मनूतनापं मभिंगु ज्‍या यायेत जिगु मन मभिंगु खँपाखे मवनेमा। अले जितः इमिगु साःगु नसा नये म्‍वालेमा।

हितोपदेश 10:32

धर्मीतय्‌गु म्‍हुतुं छु खँ भिं धकाः स्‍यू, दुष्‍टतय्‌गु म्‍हुतुं अःखःगु खँ जक पिहां वइ।

हितोपदेश 13:20

बुद्धिमानपिंलिसे जुइपिं बुद्धिमान हे जुइ। मूर्खतलिसे जुइपिन्‍सं थःत स्‍यंकी।

हितोपदेश 23:33

मिखाया न्‍ह्यःने अजू चायापुगु लु लुया वइ, अले त्‍याजिक नवाये व बिचाः याये तकं फइ मखु।

हितोपदेश 28:26

थःगु बिचारं जक जुइपिं मनूत मूर्ख खः, सःस्‍यूपिन्‍सं धाःगु खँ न्‍यनीपिं मनूत सुरक्षित जुइ।

हितोपदेश 3:32

थज्‍याःपिं मभिंपिं मनूत परमप्रभुयात मयः। धर्मी मनूतय्‌त धाःसा वय्‌कलं थःगु विश्‍वासय् कयादी।

हितोपदेश 6:12

लुच्‍चा व मभिंपिं मनूत फताहा खँ जक ल्‍हाना जुइ।

हितोपदेश 8:13

परमप्रभुया भय कायेगु धयागु मभिंगु मयय्‌केगु खः। जितः घमण्‍ड याइपिं, तःधंछुइपिं, मभिंगु लँय् जुइपिं व निता भाय् ल्‍हानाजुइपिं मनूत मयः।

हितोपदेश 9:6

छिमि म्‍वाये मंदुसा थःपिनिगु ग्‍वाज्‍यः पहः त्‍वःति, अले म्‍वायेत स्‍व। बुद्धिया लँय् जु।”

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

१ कोरिन्‍थी 15:33

मूर्ख जुइ मते, “मभिंपिं लिसे बुला जूसा भिंपिं नं स्‍यनावनी।”

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।