10 छंके बुद्धि जायावइ, ज्ञानं छन्त आनन्द बी।
वय्कःया म्हुतुं पिहां वःगु आज्ञायात जिं ‘म्हां’ मधया। जिगु न्हियान्हिथंया नसा स्वयाः वय्कलं धयादीगु खँ जिं नुगलय् मुंकातःयागु दु।
जिं ध्यान यानागु वय्कलं यय्कादीमा, छाय्धाःसा जिगु लसता वय्कःयापाखें वइ।
छिगु वचन जितः गुलि साः, जिगु म्हुतुया निंतिं कस्ति स्वयाः नं साः।
छिगु नियम न्ह्याबलेंया निंतिं जिगु मू वंगु सम्पत्ति जूगु दु। उकिं जिगु नुगःयात लय्ताय्की।
गथे यक्व धन दयाः मनू लय्ताइ अथे हे जि छिगु बचंया कारणं लय्ताये।
छिगु स्यनातःगु खँयात जिं गुलि माया याना! न्हिच्छि हे जिगु ध्यान उकी हे वनाच्वनी।
थुपिं लुँ स्वयाः अप्वः यइपुसे च्वं भिंगु लुँ स्वयाः अप्वः, अले कस्ति स्वयाः अप्वः चाकुसे च्वं, हाप्वलं पिहां वःगु कस्ति स्वयाः अप्वः चाकुसे च्वं।
छुं मस्यूपिं मनूतय्त चलाख यानाबी, अले ल्याय्म्हल्यासेपिन्त ज्ञानया खँ स्यनाबी।
दुग्यां दुपिं मनूतय्के जक बुद्धिं बास च्वनी, मूर्खतय्सं बुद्धि धयागु छु धकाः तकं सी मखु।
थ्वयात नुगलय् तयाः म्हुतुं नवायेबलय् छिमित आनन्द वइ।
बुद्धियात त्वःते मते, वं छंगु रक्षा याइ, थ्वयात यय्कल धाःसा थ्वं छन्त बिचाः याइ।
छिगु वचन वःबलय् जिं उपिं वचन नया। छिगु वचनं यानाः जितः न्ह्यइपुल, अले जिगु नुगलय् लसतां भय्बिल। हे दक्व शक्ति दुम्ह परमप्रभु परमेश्वर, मनूतय्सं जितः छिकपिनि मनू धाइगु।
ख्रीष्टयागु वचनं छिमिगु नुगः जायाच्वनेमा। छिमिसं थःथवय् स्यनेकने यानाः दुनुगलंनिसें भजन व म्ये हालाः परमेश्वरयात तःधंकि।
