हितोपदेश 18:2 - नेवाः बाइबल

² मूर्खतय्‌सं थू मथूया बिचाः याइ मखु, थःगु खँ जक द्यःने तयेत स्‍वइ।

हितोपदेश 18:2 ပူးပေါင်းရင်းမြစ်များ

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

हितोपदेश 1:7

परमप्रभुया भय कायेगु हे ज्ञानया न्‍हापांगु पलाः खः। मूर्खतय्‌सं जक ज्ञान व बुद्धियात क्‍वह्यंकाजुइ।

हितोपदेश 12:23

बुद्धिमानतय्‌सं थःत सःस्‍यू धकाः क्‍यनाजुइ मखु। तर मूर्खतय्‌सं थःगु मूर्खता ब्‍वया जुइ।

हितोपदेश 13:16

बुद्धिमानपिं मनूतय्‌सं छुं नं याये न्‍ह्यः बिचाः याइ, तर मूर्खतय्‌सं फुइँ जक क्‍यनाजुइ।

हितोपदेश 17:16

मूर्खतय्‌सं आखः सय्‌केत धिबा फुकेगु सितिं खः, छाय्‌धाःसा इमिके आखः सय्‌केगु मन हे मदु।

हितोपदेश 18:3

मखुगु ज्‍यां मछालापुकी, अले न्‍हाय् भुइकी।

उपदेशक 10:3

मूर्ख लँपुइ बिचाः मयासें जुइ अले वयागु फुक्‍क मूर्ख ज्‍याखँ खने दइ।

मत्ती 8:34

अले शहरय् च्‍वंपिं मनूत फुक्‍क वय्‌कःयात स्‍वः वल। इमिसं वय्‌कःयात अनं पिहां झासँ धकाः बिन्‍ति यात।

१ कोरिन्‍थी 14:12

आत्‍मां बीगु वरदानयात छिमिसं यय्‌काच्‍वंगु दु। अय्‌जूगुलिं मेमेगु वरदान स्‍वयाः मण्‍डलीयात भिनिगु व बल्‍लाना वइगु वरदान कायेत कुतः या।

१ कोरिन्‍थी 8:1

आः मूर्तियात छाःगु प्रसादयागु खँय्, “झीपिं फुक्‍कसिकें ज्ञान दु” धयागु खँ झीसं स्‍यू। ज्ञानं मनूतय्‌त तःधंछुकी, तर मायां फुक्‍कसिगु भिं याइ।

फिलिप्‍पी 1:15

गुम्‍ह गुम्‍हय्‌सिनं ला जिं यानागु स्‍वये मफयाः नुगः मुइकाः व इखं नं अथे ख्रीष्‍टयागु खँ न्‍यंकाजूगु दु। गुलिसिनं धाःसा यचुगु नुगलं हे न्‍यंकाच्‍वंगु दु।