हितोपदेश 17:3 - नेवाः बाइबल

³ लुँ व वहः मिइ तयाः जाँचय् याइ। तर झीगु नुगः परमप्रभुं जाँचय् यानादी।

हितोपदेश 17:3 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

अय्‍यूब 23:10

तर वय्‌कलं जिगु फुक्‍क पहःचहः स्‍यू। वय्‌कलं जितः जाँचय् यानादीबलय् जि लुँ थें जुयाः पिहां वये।

अय्‍यूब 28:1

धात्‍थें वहः पिहांवइगु थाय् दइ, लुँ यचुकीगु थाय् दइ।

भजनसंग्रहया सफू 139:23

हे परमेश्‍वर! जितः जाँचय् यानादिसँ, अले जिगु नुगलय् छु छु दु सिइकादिसँ। जितः लनास्‍वयादिसँ, अले जिगु बिचाः सिइकादिसँ!

भजनसंग्रहया सफू 26:2

हे परमप्रभु, जि गज्‍याःम्‍ह खः धकाः जिगु नुगः व बिचाःयात जाँचय् यानादिसँ।

भजनसंग्रहया सफू 66:10

हे परमेश्‍वर, छिं जिमित जाँचय् यानादीगु दु, छिं जिमित वहःयात जाँचय् याःथें जाँचय् यानादीगु दु।

हितोपदेश 15:11

कालयागु खँ ला परमप्रभुया न्‍ह्यःने सुलाच्‍वंगु मदुसा, मनूया नुगःया खँ जक गथे यानाः सुले फइ?

हितोपदेश 16:2

मनूतय्‌त थःपिनिगु थःगु फुक्‍क चालचलन ला पाय्‌छि हे थें च्‍वनी। तर परमप्रभुं उकियागु मनसुवाः छु खः धकाः जाँचय् यानादी।

हितोपदेश 17:2

भिंम्‍ह च्‍यलं काय्‌या थाय् काये फु, अले दाजुकिजां थें अंश नं काये फु।

हितोपदेश 21:2

मनूतय्‌त थःगु चालचलन थःत पाय्‌छि थें ताइ, तर परमप्रभुं इमिगु नुगः जाँचय् यानादी।

हितोपदेश 27:21

लुँ व वहःयात मिइ तयाः जाँचय् याइ थें मनूतय्‌त नं इमित याइगु हनाबनां जाँचय् याइ।

यशैया 48:10

स्‍व! जिं छन्‍त शुद्ध ला यानागु दु तर वहःयात थें मखु। जिं छंगु दुःखकष्‍टया भट्टीइ जाँचय् यानागु दु।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

इजकिएल 22:18

“अय् सीमानिम्‍ह मनू, इस्राएलया घराना जिगु निंतिं धातुयागु कसर थें जूगु दु, इपिं सकलें भट्टीइ दुगु सिजः, टिन, नँ व म्‍हः थें जुल। इपिं ला वहःयागु कसर थें जुइ धुंकूगु दु।

दानिएल 11:35

अन्‍तया ई तक शुद्ध जुइमा, यचुसे च्‍वनेमा अले ख्‍वं मदुपिं जुइमा धकाः छुं बुद्धि दुपिं नायःतय्‌सं दुःख सी। परमेश्‍वरं क्‍वःछिनादीगु अन्‍तया ई मवतले थुपिं खँ जुया हे च्‍वनी।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

व्‍यवस्‍था 8:16

मरुभूमिइ छिमित क्‍वमिलु यायेत व छिमिगु मन स्‍वयाः लिपा छिमिगु भिं यायेत वय्‌कलं छिमित छिमि पुर्खातय्‌सं मस्‍यूगु मन्‍ना नकादिल।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।