हितोपदेश 16:2 - नेवाः बाइबल

² मनूतय्‌त थःपिनिगु थःगु फुक्‍क चालचलन ला पाय्‌छि हे थें च्‍वनी। तर परमप्रभुं उकियागु मनसुवाः छु खः धकाः जाँचय् यानादी।

हितोपदेश 16:2 ပူးပေါင်းရင်းမြစ်များ

भजनसंग्रहया सफू 36:2

इमिसं थःपिन्‍त तसकं तःधं ताय्‌काजुइगुलिं परमेश्‍वरं इमिगु पाप खनी मखु, अले दोषी ठहरय् यानादी मखु धकाः च्‍वनी।

हितोपदेश 12:15

मूर्खतय्‌सं थःगु खँ हे खः ताय्‌की, तर बुद्धि दुपिन्‍सं मेपिनिगु सल्‍लाह नं न्‍यनी।

हितोपदेश 16:25

गुलिं गुलिं लँ स्‍वयेबलय् बांलाः थें जुइ, तर उकिं मृत्‍यु तक थ्‍यंकेफु।

हितोपदेश 17:3

लुँ व वहः मिइ तयाः जाँचय् याइ। तर झीगु नुगः परमप्रभुं जाँचय् यानादी।

हितोपदेश 21:2

मनूतय्‌त थःगु चालचलन थःत पाय्‌छि थें ताइ, तर परमप्रभुं इमिगु नुगः जाँचय् यानादी।

हितोपदेश 24:12

“थ्‍व जिगु ज्‍या मखु” धकाः लिज्‍याये मते। परमेश्‍वरं सकसिगुं नुगःया खँ स्‍यू, अले वय्‌कलं छिमित नं स्‍वयाच्‍वनादीगु दु। वय्‌कलं छिमिगु नुगलय् छु दु धकाः स्‍यू। वय्‌कलं सुनां छु छु याःगु दु, व हे कथं लिच्‍वः बियादी।

हितोपदेश 30:12

छथ्‍वः मनूत अशुद्ध जूसां थःपिन्‍त तसकं शुद्ध ताय्‌काजुइपिं दु।

हितोपदेश 5:21

परमप्रभुं छं याःगु फुक्‍कं स्‍वयाच्‍वंगु दु। छ गन गन वन दक्‍वं स्‍वयाच्‍वंगु दु।

यशैया 26:7

परमप्रभु, छिं धर्मी मनूया लँपु माथं वंकादी, हे भिंम्‍ह, छिं हे धर्मी मनूयागु लँपु तप्‍यंकादी।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

दानिएल 5:27

“टेकेल – छःपिन्‍त तराजुइ लंगु दु, अले याउँसे च्‍वंगु लुइकूगु दु।

गन्‍ती 22:32

अले परमप्रभुया दूतं वयात धाल, “छं छाय् थः गधायात स्‍वकः दायागु? स्‍व! जि छंगु लँ पनेत वयागु दु, छाय्‌धाःसा जितः छंगु पहः भिं मता।

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

प्रकाश 2:18

“थिआटीराय् च्‍वंगु मण्‍डलीयाम्‍ह दूतयात थथे धकाः च्‍वया छ्व – छ्वयाच्‍वंगु मि थें च्‍वंगु मिखा दुम्‍ह, अले थीगु ली थें च्‍वंगु तुति दुम्‍ह परमेश्‍वरया काय्‌नं थथे धयादी –

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

न्‍यायकर्ता 17:6

उगु इलय् इस्राएलय् जुजु धयापिं हे मदुनि। सुया छु याये मंदत व हे यानाजुइगु खः।

न्‍यायकर्ता 7:6

स्‍वसःम्‍ह मनूतय्‌सं ल्‍हाः म्‍हुतुइ यंकाः लः फ्‍ययाः त्‍वन, ल्‍यंदुपिं सकसिनं पुलिं चुयाः लः त्‍वन।

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।