हितोपदेश 15:5 - नेवाः बाइबल

⁵ मूर्खतय्‌सं जक बौया अनुशासनयात च्‍यूताः तइ मखु, बुद्धिमानतय्‌सं थुकियात नाला काइ।

हितोपदेश 15:5 ပူးပေါင်းရင်းမြစ်များ

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

भजनसंग्रहया सफू 141:5

धर्मीतय्‌सं जितः दायेमा, व जिगु निंतिं दया जुइ। इमिसं जितः ब्‍वः बीमा, व जिगु छ्यंया निंतिं चिकं जुइ। जिगु छेनं मयय्‌की मखु। अय्‌नं मभिंपिं मनूतय्‌सं याःगु ज्‍याखँया विरोधय् जिं प्रार्थना याना हे च्‍वने।

हितोपदेश 1:23

जिं न्‍वाना थें छिमिसं याःगु जूसा जिं छिमित जिगु नुगःखँ कनेगु खः, जिं थःगु बिचाः छिमित न्‍यंकेगु खः।

हितोपदेश 1:7

परमप्रभुया भय कायेगु हे ज्ञानया न्‍हापांगु पलाः खः। मूर्खतय्‌सं जक ज्ञान व बुद्धियात क्‍वह्यंकाजुइ।

हितोपदेश 10:1

सोलोमनया उपदेश बुद्धिमानम्‍ह काय्‌नं बौयात लय्‌ताय्‌की। तर मूर्खम्‍ह काय्‌नं थः मांयात दुःख बी।

हितोपदेश 13:1

बुद्धिमानम्‍ह काय्‌नं थः बौनं धाःगु खँ न्‍यनी। तर घमण्‍डीम्‍ह काय्‌नं न्‍यनी मखु।

हितोपदेश 13:18

न्‍वानाखँयात च्‍यूताः मतइपिं चीमि व मछालापुकाः च्‍वनेमाली। तर न्‍यंम्‍हय्‌सित हनाबना तइ।

हितोपदेश 15:4

भिंगु वचनं जीवन व उसाँय् बी, तर छाःगु वचनं नुगलय् घाः याइ।

हितोपदेश 15:6

धर्मीपिनिगु धुकू धन सम्‍पत्तिं जायाच्‍वनी, तर मूर्खतय्‌गु धनं इमित झन जक दुःख बी।

हितोपदेश 19:20

सल्‍लाह न्‍यनीम्‍ह व वकथं जुइम्‍ह मनू लिपा बुद्धिमान जुइ।

हितोपदेश 25:12

सःस्‍यूम्‍ह मनुखं ब्‍वःब्‍यूगु नं न्‍यनीगु न्‍हाय्‌पंया निंतिं लुँयागु तिसा स्‍वयाः मू वं।

हितोपदेश 6:23

छाय्‌धाःसा इमिगु उजं मत खः, इमिगु न्‍वानाखँ जः खः, इमिसं ब्‍वःबियाः छं थःगु जीवन सुथां लाके फइ।

तीतस 1:13

थ्‍व खँ धात्‍थें खः। अय्‌जूगुलिं इमित तसकं ब्‍वःब्‍यु, अले जक इपिं विश्‍वासय् बल्‍लाना च्‍वनी।

तीतस 2:15

छं थ्‍व फुक्‍कं न्‍यंकाब्‍यु। ब्‍वःबी माःसां साहस बी माःसां छं स्‍वयाः या। अले छन्‍त सुनानं हेपय् याये फइ मखु।