हितोपदेश 15:3 - नेवाः बाइबल

³ परमप्रभुया मिखां न्‍ह्याथासं खं, भिंपिं व मभिंपिं निथ्‍वःसित नं वय्‌कलं स्‍वयाच्‍वनादीगु दु।

हितोपदेश 15:3 ပူးပေါင်းရင်းမြစ်များ

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

अय्‍यूब 24:23

वय्‌कलं इमित सुरक्षा बियादी अले इमित सुरक्षा दइ। तर वय्‌कःया मिखां इमिगु पहःचहः स्‍वयाच्‍वनादी।

अय्‍यूब 28:24

छाय्‌धाःसा वय्‌कलं पृथ्‍वीया फुक्‍क थाय् खं, वय्‌कलं आकाश क्‍वय्‌यागु फुक्‍क खँयात स्‍वयादी।

अय्‍यूब 31:4

परमेश्‍वर थःम्‍हं हे जिगु पहःचहः स्‍वयामदी ला? जिगु फुक्‍क पलाः ल्‍याः खानाः मदी ला?

भजनसंग्रहया सफू 33:13

परमप्रभुं स्‍वर्गं क्‍वय् स्‍वयादी, अले फुक्‍क मनूतय्‌त खनी।

हितोपदेश 15:4

भिंगु वचनं जीवन व उसाँय् बी, तर छाःगु वचनं नुगलय् घाः याइ।

हितोपदेश 5:21

परमप्रभुं छं याःगु फुक्‍कं स्‍वयाच्‍वंगु दु। छ गन गन वन दक्‍वं स्‍वयाच्‍वंगु दु।

यर्मिया 16:17

इमिगु फुक्‍क ज्‍या जिं खं। छुं नं ज्‍या जिपाखें सुलाच्‍वंगु मदु। इमिसं याःगु पाप जिं खं।

यर्मिया 23:24

“छु सुं मनू जिं खंके मफय्‌क गुप्‍ति थासय् सुले फइ ला? छु स्‍वर्ग व पृथ्‍वीइ न्‍ह्याथाय् नं जि मदु ला?” परमप्रभुं धयादी।

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

जकरिया 4:10

परमप्रभुं धयादिल, “ज्‍या भचा भचा जक शुरु जूगुयात हेला याये मते। अय्‌नं ज्‍या न्‍ह्याकेत यरूबाबेलया ल्‍हातय् दकःमिया खिपः दुगु खनाः इपिं लय्‌ताइ।” (उपिं त्‍वाःदेवाया न्‍हय्‌गः पाल्‍चा पृथ्‍वीया फुक्‍कभनं स्‍वया च्‍वनीगु परमप्रभुया मिखा खः।)

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।