हितोपदेश 14:3 - नेवाः बाइबल

³ मूर्खतय्‌गु खं थःगु हे जँय् कथि दाय्‌की, तर बुद्धिमानतय्‌गु खं बचय् याइ।

हितोपदेश 14:3 ပူးပေါင်းရင်းမြစ်များ

अय्‍यूब 5:21

छ निन्‍दायागु कोर्रापाखें बचय् जुयाच्‍वनी, विनाश वइबलय् छ ग्‍यायेमाली मखु।

भजनसंग्रहया सफू 12:3

परमप्रभु, पिचुगु मे फुक्‍क ध्‍यनाबियादिसँ, अले तःधंछुया जुइगु म्‍हुतुप्‍वाः तिनाबियादिसँ।

भजनसंग्रहया सफू 31:18

घमण्‍ड यानाः तःधंछुयाः धर्मी मनूतय्‌गु विरोधय् मखुगु खँ ल्‍हानाजुइपिनिगु म्‍हुतुप्‍वाः तिकादिसँ।

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

हितोपदेश 12:6

दुष्‍टतय्‌गु खं ग्‍यानापुगु जालय् लाकी, तर धर्मीतय्‌गु खं बचय् याइ।

हितोपदेश 13:3

बिचाः यानाः नवाइपिन्‍सं थःत बचय् याइ, लाः लाः थे नवानाजुइपिं नाश जुइ।

हितोपदेश 14:4

द्वहं मदुथाय् भखारि नं प्‍वनी, द्वहंया ग्‍वाहालिं यक्‍व बाली सय्‌के फइ।

हितोपदेश 18:6

मूर्खतय्‌सं ल्‍वापु थयेगु धयागु हे थःपिन्‍त दाय्‌केत धाःगु खः।

हितोपदेश 18:7

मूर्खतय्‌सं नवायेगु धयागु हे थःम्‍हं थःगु विनाश मालेगु खः। अले थःगु हे खँय् तक्‍यनेगु खः।

हितोपदेश 21:24

तःधंछुया जुइम्‍ह व फुइँ यानाजुइम्‍ह मनूया नां “हेस्‍याइम्‍ह” खः, वं तःधंछुया व्‍यवहार याइ।

हितोपदेश 22:8

सुनां मभिंगु पी, वं मभिंगु हे लइ, अले इमिगु अन्‍याय नं फुइ।

हितोपदेश 28:25

लोभी मनूतय्‌सं ल्‍वापुथया जुइ, तर परमप्रभुयात विश्‍वास याइपिं मनूत च्‍वजाया वइ।

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।