हितोपदेश 13:6 - नेवाः बाइबल

⁶ भिंपिं मनूत इमिगु धार्मिकतां यानाः बचय् जुइ। तर पापं यानाः दुष्‍टत नाश जुइ।

हितोपदेश 13:6 ပူးပေါင်းရင်းမြစ်များ

१ राजा 1:52

सोलोमनं लिसः बिल, “वं थःत इमान्‍दार मनू खः धकाः क्‍यने फत धाःसा वयागु छ्यंयागु छपु सँ नं सुनां थी मखु। अथे मखुत धाःसा वयात स्‍यायेगु जुइ।”

१ राजा 13:34

यारोबामया घरानाया थ्‍व हे पापं यानाः व पतन जुल अले पृथ्‍वीं व नाश जुल।

२ इतिहास 28:23

वं थःत बुकूपिं दमस्‍कसयापिं द्यःतय्‌त बलि छाल, छाय्‌धाःसा वं थथे बिचाः यात, “अरामया जुजुपिनि द्यःतय्‌सं इमित ग्‍वाहालि यात। उकिं इमिसं जितः नं ग्‍वाहालि यायेमा धकाः जिं नं इमित बलि छाये।” तर इपिं वयागु व फुक्‍क इस्राएलया नाशया कारण जुल।

भजनसंग्रहया सफू 119:1

धन्‍य खः दोष मदय्‌क म्‍वानाच्‍वनिपिं व परमप्रभुया स्‍यनातःगु खँ कथं जुइपिं मनूत।

भजनसंग्रहया सफू 140:11

मखुगु खँ ल्‍हाइपिन्‍त पृथ्‍वीइ सुथांलाकादी मते। ग्‍यानापुपिं मनूत याकनं हे नाश जुइमा।

भजनसंग्रहया सफू 15:2

व मनुखं फइ, गुम्‍ह दोष मदय्‌क म्‍वानाच्‍वनी, अले न्‍ह्याबलें भिंगु जक याइ, अले गुम्‍हय्‌सिनं दुनुगलंनिसें खःगु खँ ल्‍हाइ,

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

भजनसंग्रहया सफू 26:1

हे परमप्रभु, जि दोष मदुम्‍ह खः धकाः सकसितं क्‍यनादिसँ। छाय्‌धाःसा जिं भिंगु व खःगु जक ज्‍याखँ यानागु दु। अले छफुति हे लिमच्‍युसे परमप्रभुयागु भलसा कयागु दु।

हितोपदेश 10:29

परमप्रभुया लँ धर्मीतय्‌गु निंतिं किल्‍ला खः, दुष्‍टतय्‌त धाःसा नाश याइ।

हितोपदेश 11:20

नुगः वँचुपिं मनूतय्‌त परमप्रभुं घृणा यानादी, कुंखिनेथाय् मदय्‌क जुइपिं मनूतय्‌त वय्‌कलं यय्‌कादी।

हितोपदेश 11:3

भिंगु ज्‍या याइपिन्‍त भिंगु हे लँपु क्‍यनी, मभिंगु ज्‍याइपिं इमिगु मभिंगु ज्‍यां हे नाश जुयावनी।

हितोपदेश 21:12

तसकं धर्मीम्‍ह परमेश्‍वरं दुष्‍टतय्‌गु छेँय् छु छु जुयाच्‍वन धकाः स्‍यू, वय्‌कलं इमित नाश यानादी।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।