हितोपदेश 13:2 - नेवाः बाइबल

² भिंगु म्‍हुतुं भिंगु हे फल बी। तर वँचु नुगःयापिन्‍सं न्‍ह्याबलें ल्‍वापुख्‍यापु जक यय्‌काच्‍वनी।

हितोपदेश 13:2 ပူးပေါင်းရင်းမြစ်များ

भजनसंग्रहया सफू 140:11

मखुगु खँ ल्‍हाइपिन्‍त पृथ्‍वीइ सुथांलाकादी मते। ग्‍यानापुपिं मनूत याकनं हे नाश जुइमा।

भजनसंग्रहया सफू 75:8

परमप्रभुया ल्‍हातिइ ख्‍वला दु, थ्‍व ख्‍वला वय्‌कःया तमं जाः। वय्‌कलं थ्‍व हे ख्‍वलां त्‍वंकादी। दुष्‍टत फुक्‍कसिनं थ्‍व हे ख्‍वलां त्‍वनी, भ्‍याःभचा हे मल्‍यंक।

हितोपदेश 1:18

थुमिसं ला थःगु जाः थःम्‍हं हे ग्‍वयाच्‍वंगु दु। थुमिसं थःम्‍हं थःत हे स्‍यायेत स्‍वयाच्‍वंगु दु।

हितोपदेश 1:31

छिमिसं छु यात, उकथं हे छिमित दइ। अले छिमिगु ज्‍यां छिमित हे दुःख जुइ।

हितोपदेश 10:11

भिंपिं मनूतय्‌गु म्‍हुतु जीवनया मुहान खः। मभिंपिं मनूतय्‌सं थःपिनिगु म्‍हुतुइ ल्‍वायेलीगु खँ सुचुका तइ।

हितोपदेश 11:23

धर्मीतय्‌सं मनंतुनिगु न्‍ह्याबलें भिंगु हे जुइ, दुष्‍टतय्‌सं याइगु आशा न्‍ह्याबलें तंमय्‌ क्‍वचाइ।

हितोपदेश 12:14

झीत झीगु ज्‍या व खँ कथंया हे सजाँय व सिरपाः दइ।

हितोपदेश 18:20

म्‍हुतुया फलं मनूतय् प्‍वाः जाइ। म्‍हुतुं पिहां वःगु खँग्‍वलं मनूतय्‌त लुधंकी।

हितोपदेश 18:21

म्‍हुतुया वचनं जीवन व मृत्‍यु क्‍वःछी। उकिं थःगु वचनया फल थःम्‍हं फयेमाली।

हितोपदेश 4:17

मभिंगु ज्‍या व स्‍याये पालेगु ज्‍या इमिगु नसा व त्‍वँसा खः।

होशे 10:13

तर छिमिसं ला अधर्मया पुसात पित, अन्‍यायया फल मुंकल। छिमिसं छलया फल नःगु दु। छिमिसं थःगु हे शक्तिइ भलसा तल, थःगु यक्‍व सिपाइँतय्‌के भलसा तःगुलिं,

हबकूक 2:17

छं लेबनानया जंगलयात पालाः स्‍यंकल, आः छन्‍त पाला स्‍याइ। छं अन च्‍वंपिं गुँपशुतय्‌त भज्‍यंक नाश याःगुलिं हे छंके तसकं भय वइ। छाय्‌धाःसा छं मनूतय्‌गु हिबाः वय्‌कल, छं देशत व शहरत व उकी च्‍वंपि दक्‍वं भज्‍यंक नाश यात।

हबकूक 2:8

छं जात जातितय्‌त लुतय् याःगु दु, अथे जुयाः ल्‍यंदुपिं मनूतय्‌सं छन्‍त लुतय् याइ। छं मनूतय्‌गु हि हाय्‌कूगु दु, अले छं देशत व शहरत व उकी च्‍वंपिं दक्‍वसित भज्‍यंक नाश याःगु दु।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”