हितोपदेश 11:9 - नेवाः बाइबल

⁹ परमेश्‍वरलिसे मदुपिं मनूतय्‌सं थःगु म्‍हुतुं जःलाखःलायात स्‍यंकी। तर ज्ञानं यानाः धर्मी मनूत बचय् जुइ।

हितोपदेश 11:9 ပူးပေါင်းရင်းမြစ်များ

१ राजा 22:6

उकिं इस्राएलयाम्‍ह जुजुं प्‍यसःम्‍ह (४००) अगमवक्तातय्‌त मुंकाः इमित न्‍यन, “जिं रामोत-गिलादय् हमला याये ला कि मयाये?” इमिसं लिसः बिल, “हमला यानादिसँ, छाय्‌धाःसा परमप्रभुं व छिगु ल्‍हातय् बियादी।”

अय्‍यूब 34:30

उकिं परमेश्‍वरयात मानय् मयाइम्‍ह मनू शासक मजुइमा, अले व प्रजाया निंतिं जाः मजुइमा।

अय्‍यूब 8:13

परमेश्‍वरयात ल्‍वःमंकीपिनिगु अवस्‍था नं अथे हे जुइ। परमेश्‍वरयात मानय् मयाइपिनिगु आशा नं थथे हे नाश जुइ।

भजनसंग्रहया सफू 55:12

जितः महीपिं जिमि शत्रुत मखु, इमित ला जिं सहयाना च्‍वने फु। जितः मभिंकाच्‍वंपिं जिमि शत्रुत मखु, इपिंलिसे ला जि बिस्‍युं जुइफु।

हितोपदेश 11:6

धर्मी मनूतय्‌त इमिगु भिंगु ज्‍यां बचय् याना तइ, दुष्‍टत इमिगु मभिंगु मतिं यानाः जालय् क्‍यनी।

हितोपदेश 11:8

दुःखकष्‍टया इलय् धर्मीपिं मनूतय्‌त बचय् याइ। इमिगु पलेसा दुष्‍टतय्‌त लाःवनी।

हितोपदेश 16:29

ल्‍वापुखिचा मनूतय्‌सं थः पासापिन्‍त ह्यय्‌काः मखुगु लँय् यंकी।

मत्ती 7:15

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ।

मर्कूस 13:14

थ्‍व खँ ब्‍वंम्‍हय्‌सिनं थुइमा – “नाश याइगु घच्‍चायापुगु खँ गन मदयेमाःगु खः अन दनाच्‍वंगु छिमिसं खनेवं यहूदियाय् च्‍वनाच्‍वंपिं पहाडय् बिस्‍युं वनेमा।

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

१ यूहन्‍ना 2:21

छिमिसं सत्‍ययात मस्‍यू धकाः जिं थ्‍व च्‍वयाच्‍वनागु मखु। सत्‍ययात स्‍यूगुलिं हे जिं थ्‍व च्‍वयाच्‍वनागु खः, छाय्‌धाःसा सत्‍यपाखें मखुगु खँ पिहां वइ मखु धकाः छिमिसं सि हे स्‍यू।

१ यूहन्‍ना 2:27

अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।