हितोपदेश 11:5 - नेवाः बाइबल

⁵ धर्मी मनूतय्‌गु भिंगु ज्‍यां इमिगु लँ तप्‍यनी, दुष्‍ट मनूत इमिगु मभिंगु ज्‍यां यानाः ग्‍वारातुली।

हितोपदेश 11:5 ပူးပေါင်းရင်းမြစ်များ

२ शमूएल 17:23

थःम्‍हं बियागु सल्‍लाह मानय् मयाःगु अहीतोपेलं थुइकल अले वं थःगु गधाया म्‍हय् सामान चिनाः थःगु शहरपाखे थःगु हे छेँ तुं लिहां वन। वं थःगु छेँय् फुक्‍क मिलय् यानाः थः यग्‍गानाः सित। थुकथं व सित अले वयात वया हे अबुया चिहानय् थुनाबिल।

अय्‍यूब 18:7

वयागु तुति पलाःया शक्ति कमजोर जुइ। वयागु थःगु हे जुक्तिं वयात क्‍वथलाबी।

हितोपदेश 1:18

थुमिसं ला थःगु जाः थःम्‍हं हे ग्‍वयाच्‍वंगु दु। थुमिसं थःम्‍हं थःत हे स्‍यायेत स्‍वयाच्‍वंगु दु।

हितोपदेश 11:3

भिंगु ज्‍या याइपिन्‍त भिंगु हे लँपु क्‍यनी, मभिंगु ज्‍याइपिं इमिगु मभिंगु ज्‍यां हे नाश जुयावनी।

हितोपदेश 12:3

मभिं ज्‍यां यानाः सुं मनू थातं च्‍वने फइ मखु, धर्मीतय्‌त संके तक नं फइ मखु।

हितोपदेश 13:6

भिंपिं मनूत इमिगु धार्मिकतां यानाः बचय् जुइ। तर पापं यानाः दुष्‍टत नाश जुइ।

हितोपदेश 14:32

दुष्‍टत इमिगु मभिंगु ज्‍यां यानाः नाश जुयावनी, धर्मीतय्‌त सीबलय् नं रक्षा याना तइ।

हितोपदेश 15:19

अल्‍छीतय्‌गु लँय् कंया कं जक दइ, भिंपिनिगु लँ धाःसा मू लँ खः।

हितोपदेश 21:29

दुष्‍टत फुइँ यानाः जुइ, तर धर्मी मनूतय्‌सं बिचाः यानाः जक पलाःछिना जुइ।

हितोपदेश 28:18

इमान्‍दार जु, छन्‍त न्‍ह्याबलें रक्षा याना तइ, बेमान जुल कि आकाझाकां छ पतन जुयावनी।

हितोपदेश 3:6

न्‍ह्यागु याःसां परमप्रभुयात लुमंकि, वय्‌कलं छन्‍त लँ क्‍यनादी।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।

यशैया 26:7

परमप्रभु, छिं धर्मी मनूया लँपु माथं वंकादी, हे भिंम्‍ह, छिं हे धर्मी मनूयागु लँपु तप्‍यंकादी।

होशे 5:5

इस्राएलया तःधंसुं वयागु हे विरोधय् साक्षी बी। इस्राएल व एफ्राइम नं थथःगु पापय् लुफिं हाइ। यहूदा नं इपिंनापं लुफिं हाइ।

न्‍यायकर्ता 20:41

अले इस्राएलीतय्‌सं फहिलाः बेन्‍यामीनीतय्‌त हमला यात। थःगु नाश जुइगु ई वःगु खनाः बेन्‍यामीनीत ग्‍यानाः आत्ते जुल।