हितोपदेश 11:4 - नेवाः बाइबल

⁴ परमेश्‍वरं न्‍याय याइखुन्‍हु धनसम्‍पत्ति छुं ज्‍याख्‍यलय् दइ मखु, भिंगु ज्‍यां हे मृत्‍युपाखें बचय् याइ।

हितोपदेश 11:4 ပူးပေါင်းရင်းမြစ်များ

उत्‍पत्ति 7:1

अले परमप्रभुं नोआयात धयादिल, “छ व छिमि परिवार फुक्‍क जहाजय् च्‍वंहुँ। छाय्‌धाःसा जिं थ्‍व पुस्‍ताय् छ हे छम्‍ह जक धर्मीम्‍ह मनू खना।

अय्‍यूब 20:28

वयागु छेँ खुसिबालं चुइकायंकी। व परमेश्‍वरया तंया दिनय् चुइकायंकी।

हितोपदेश 10:2

बेइमान यानाः मुंकूगु धनं भिंकी मखु, तर धार्मिकतां ज्‍यान बचय् याइ।

हितोपदेश 12:28

धार्मिकताया लँपुइ जीवन दु, थ्‍वं गुबलें नं मृत्‍युपाखे यंकी मखु।

हितोपदेश 6:34

ईर्ष्‍यां मिसाया भाःतया तंयात ग्‍वाकाबी। अले वं बदला काल कि दया माया हे क्‍यनी मखु।

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

इजकिएल 14:14

थुपिं स्‍वम्‍ह मनूत नोआ, दानिएल व अय्‍यूबं थःपिं अन दुगु दुसां इमिसं थःगु धार्मिकतापाखें थःत जक बचय् याये फइगु खः, परमप्रभु परमेश्‍वरं धयादी।

इजकिएल 7:19

“‘इमिसं थःगु वहः लँय् वांछ्वयाबी अले इमिगु लुँ अशुद्ध चिज थें जुइ। परमप्रभुया तंया दिनय् इमिगु वहः व लुं इमित बचय् याये फइ मखु। इमिसं उकिं थःगु पित्‍याः लंके फइ मखु वा प्‍वाः जाय्‌के फइ मखु, छाय्‌धाःसा उकिं हे इमित पापया निंतिं धेधेचुइकूगु खः।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

मत्ती 16:26

सारा संसार हे ल्‍हातय् दयाः नं व मनू सिनावन धाःसा वयात छु दइ? वं हानं थःगु प्राण छुकिं लिफ्‍याना काइ?

लूका 12:20

“अले परमेश्‍वरं वयात थथे धयादिल – ‘अय् मूर्ख, छ ला थौं चान्‍हय् हे सी। छं मुंकातःगु धन, अन्‍न फुक्‍कं आः सुयागु जुइ?’

रोमी 5:17

यदि छम्‍ह मनुखं याःगु पापं यानाः मृत्‍युं राज्‍य यानाच्‍वन धाःसा छम्‍ह मनू येशू ख्रीष्‍टं यानाः परमेश्‍वरया तःधंगु दया मायां वय्‌कःया न्‍ह्यःने धर्मी ठहरय् जुइपिं मनूत मृत्‍युया राज्‍यय् च्‍वनेमाली मखुत।

१ तिमोथी 4:8

म्‍हयागु ज्‍याखँ यानाः कम हे जक ज्‍यालगय् जुइ। आत्‍मायागु ज्‍याखँ धाःसा आः व लिपा तकं ज्‍यालगय् जुयाच्‍वनी।