हितोपदेश 10:9 - नेवाः बाइबल

⁹ इमान्‍दारपिं मनूत मग्‍यासे जुइ फइ। बेमानतय्‌त धाःसा ज्‍वनी।

हितोपदेश 10:9 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

अय्‍यूब 8:20

धात्‍थें छुं दोष मदुम्‍ह मनूयात परमेश्‍वरं गुबलें त्‍वःतादी मखु, न वय्‌कलं मभिंगु ज्‍या याइपिनिगु ल्‍हाःयात बल्‍लाकादी।

भजनसंग्रहया सफू 23:4

न्‍ह्याथे हे तसकं खिउँसे च्‍वंगु लं वनेमाःसां जि छतिं हे ग्‍याये मखु, प्रभु! छाय्‌धाःसा छि जिलिसें दी, छिगु कथिं व तुतामं नं जितः ब्‍वलंकाबी।

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

हितोपदेश 17:20

मभिंगु बिचाः तइपिं व मखुगु खँ ल्‍हाइपिं मनूतय्‌त गुबलें बांलाइ मखु, इपिं नाश जुइ।

हितोपदेश 26:26

इमिसं थःपिनिगु मभिंगु बिचाः ला सुचुका तइ, तर मभिंगु ज्‍या ला सकसिनं खनी।

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

हितोपदेश 28:18

इमान्‍दार जु, छन्‍त न्‍ह्याबलें रक्षा याना तइ, बेमान जुल कि आकाझाकां छ पतन जुयावनी।

हितोपदेश 3:23

थुकिं छन्‍त छंगु लँपुइ रक्षा याना तइ, अले छंगु तुति खाइ मखु।

मत्ती 10:26

“मनूत खनाः छिपिं ग्‍याये मते। त्‍वपुयातःगु खने दइतिनि। सुचुकातःगु सी दइतिनि।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

१ तिमोथी 5:25

अथे हे गुलि गुलिं भिंगु ज्‍या ला न्‍हापा हे बांलाक सी दइ। अले सी मदुगु नं लिपा सीदयावइ, त्‍वपुयातये फइ मखु।