हितोपदेश 10:8 - नेवाः बाइबल

⁸ ज्ञान दुपिं मनूतय्‌सं स्‍यनेकने याःगु खँ न्‍यनी, मूर्ख खँ ल्‍हानाजुइपिं धाःसा नाश जुयावनी।

हितोपदेश 10:8 ပူးပေါင်းရင်းမြစ်များ

भजनसंग्रहया सफू 119:34

छिगु व्‍यवस्‍थाया अर्थ थुइकादिसँ। अले जिं व पालन याये, दुनुगलंनिसें जिं व पालन याये।

हितोपदेश 1:5

थुकिं ज्ञां दुपिन्‍सं न्‍यनेमा अले इमिगु ज्ञां अज्‍ज अप्‍वय्‌काबी, अले ब्‍वनातःपिन्‍त लँ क्‍यनाबी।

हितोपदेश 10:10

मखुगु खँय् मिखा तिस्‍सिना बीपिं मनूतय्‌सं दुःख हइ। तर न्‍ह्यःने हे ब्‍वःबीपिन्‍सं चितासू बी।

हितोपदेश 10:14

बुद्धि दुपिं मनूतय्‌सं फतिंफत्तले ज्ञान मुंकी। मूर्खतय्‌सं सर्वनाशयात सःती।

हितोपदेश 12:1

सुनां द्वंगु भिंकेत स्‍वइ, व ज्ञानी खः, सुनां द्वंगु भिंकेत स्‍वइ मखु, व मूर्ख खः।

हितोपदेश 12:13

दुष्‍ट मनूत थःगु हे मभिंगु खँया जालय् क्‍यनी। तर धर्मी मनूत दुःखया जालं पिहां वइ।

हितोपदेश 13:3

बिचाः यानाः नवाइपिन्‍सं थःत बचय् याइ, लाः लाः थे नवानाजुइपिं नाश जुइ।

हितोपदेश 14:23

मेहनतं भिंगु फल दइ, खँ जक ल्‍हानाः नयां फ्‍वगिं जुइ।

हितोपदेश 14:8

बुद्धि दुपिं मनूतय्‌सं थःपिं गन वनाच्‍वना धकाः बांलाक थू, तर मूर्खतय्‌सं थःम्‍हं थःत झंगः लानाच्‍वनी।

हितोपदेश 9:8

घमण्‍डीतय्‌त भिंकेत स्‍वये मते, वं छन्‍त हे घृणा याइ। तर बुद्धिमान मनूयात भिंकेत स्‍वल धाःसा वं छन्‍त हनाबना तइ।

हितोपदेश 9:9

बुद्धिमान मनूयात ज्ञां बिल धाःसा व झन बुद्धिमान जुइ, धर्मी मनूयात स्‍यनेकने यात धाःसा वयागु ज्ञां झन अप्‍वः दइ।

उपदेशक 10:12

बुद्धि दुम्‍ह मनूया वचनं वयाके अनुग्रह हइ, तर मूर्खया वचनं वयाके नाश हइ।

याकूब 3:13

छिमिथाय् परमेश्‍वरयागु वचन स्‍यने फुम्‍ह सुं बुद्धि दुम्‍ह मनू दु धयागु जूसा वं तःधं मजुसे बांलाःगु चालचलनयाम्‍ह जुयाः बांलाक ज्‍या यानाः क्‍यँ।