हितोपदेश 10:5 - नेवाः बाइबल

⁵ ज्ञान दुम्‍ह मनुखं बाली लयेगु इलय् अन्‍न मुंकी, बाली लयेगु इलय् द्यनाः नइम्‍हय्‌सिनं मछालापुकाबी।

हितोपदेश 10:5 ပူးပေါင်းရင်းမြစ်များ

हितोपदेश 6:8

ग्रीष्‍म ऋतुइ इमिसं अन्‍नया धुकू दय्‌की, अले अन्‍न लयेगु इलय्‌ थःपिन्‍त माःगु नसा मुंकाः तइ।

हितोपदेश 30:25

इमूचा – थुपिं बमलाःसां चिकुलाया निंतिं बर्खां हे थःपिनिगु नसा मुंकी।

हितोपदेश 19:26

थः बौयात लुतय् याइपिं, मांयात पितिनीपिं काय्‌पिं मछाः मजूपिं व इज्‍जत मदुपिं मनूत खः।

हितोपदेश 17:2

भिंम्‍ह च्‍यलं काय्‌या थाय् काये फु, अले दाजुकिजां थें अंश नं काये फु।

हितोपदेश 12:4

भिंम्‍ह कलाः वया भाःतया मुकुट खः, तर भाःतयात मछालापुकीम्‍ह मिसा ध्‍वगीगु क्‍वँय् थें खः।

हितोपदेश 6:6

हे अल्‍छीत! इमूचायाथाय् वनाः वयागु चालचलन स्‍व, अले बुद्धिया खँ सय्‌कि।

हितोपदेश 10:4

अल्‍छीपिं मनूत चीमि जुइ, मेहनत याइपिं तःमि जुइ।

हितोपदेश 10:6

भिं मनूतय्‌त आशिष दइ, तर मभिंम्‍ह मनूया म्‍हुतुइ ल्‍वापु जक सुलाच्‍वनी।

हितोपदेश 27:25

घाँय्‌म्‍वः लये धुंकाः न्‍हूगु घाँय् बुया वइ, उबलय् तकं गुँच्‍वय् च्‍वंगु घँजा मुनी।