हितोपदेश 10:2 - नेवाः बाइबल

² बेइमान यानाः मुंकूगु धनं भिंकी मखु, तर धार्मिकतां ज्‍यान बचय् याइ।

हितोपदेश 10:2 ပူးပေါင်းရင်းမြစ်များ

हितोपदेश 11:4

परमेश्‍वरं न्‍याय याइखुन्‍हु धनसम्‍पत्ति छुं ज्‍याख्‍यलय् दइ मखु, भिंगु ज्‍यां हे मृत्‍युपाखें बचय् याइ।

हितोपदेश 12:28

धार्मिकताया लँपुइ जीवन दु, थ्‍वं गुबलें नं मृत्‍युपाखे यंकी मखु।

हितोपदेश 13:11

याकनं मुंकूगु धन याकनं हे फुनावनी, मेहनत यानाः मुंकूगु धन अप्‍वयावनी।

हितोपदेश 21:6

मखुगु खँ ल्‍हानाः दय्‌कूगु सम्‍पत्ति ब्‍वयावनीगु हा थें खः, अले कालया स्‍वःतिपाँय् खः।

इजकिएल 7:19

“‘इमिसं थःगु वहः लँय् वांछ्वयाबी अले इमिगु लुँ अशुद्ध चिज थें जुइ। परमप्रभुया तंया दिनय् इमिगु वहः व लुं इमित बचय् याये फइ मखु। इमिसं उकिं थःगु पित्‍याः लंके फइ मखु वा प्‍वाः जाय्‌के फइ मखु, छाय्‌धाःसा उकिं हे इमित पापया निंतिं धेधेचुइकूगु खः।

दानिएल 4:27

उकिं हे महाराज, जिगु सल्‍लाह स्‍वीकार यानादिसँ। खःगु ज्‍या यानाः थःगु पापयात त्‍वःतादिसँ अले छुं मदुपिन्‍त माया यानाः मभिंगु ज्‍या त्‍वःतादिसँ। अथे याःसा छःपिनिगु भिं जुया हे च्‍वनी।”

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

रोमी 5:21

थथे जूगुलिं पापं यानाः फुक्‍क मनूत सीमाः थें तुं परमेश्‍वरयागु दया मायां धर्मी ठहरय् जुयाः झी प्रभु येशू ख्रीष्‍टयापाखें मनूतय्‌त अनन्‍त जीवन दत।

फिलिप्‍पी 3:9

व्‍यवस्‍थां धाःथें यानाजुयागुलिं जि धर्मी ठहरय् जूगु मखु बरु येशू ख्रीष्‍टयात विश्‍वास यानागुलिं परमेश्‍वरं हे जितः धर्मी ठहरय् यानादीगु खः।