हितोपदेश 1:7 - नेवाः बाइबल

⁷ परमप्रभुया भय कायेगु हे ज्ञानया न्‍हापांगु पलाः खः। मूर्खतय्‌सं जक ज्ञान व बुद्धियात क्‍वह्यंकाजुइ।

हितोपदेश 1:7 ပူးပေါင်းရင်းမြစ်များ

अय्‍यूब 28:28

अले वय्‌कलं मनूयात धयादिल, ‘स्‍व, प्रभुया भय कायेगु हे बुद्धि खः। मभिंगु ज्‍यापाखें तापाक च्‍वनेगु हे दुग्‍यां खः।’”

भजनसंग्रहया सफू 111:10

परमप्रभुया भय कायेगु हे बुद्धिया न्‍हापांगु पलाः खः। वय्‌कःया आज्ञा पालन याइपिन्‍सं बांलाक थुइके फइ। वय्‌कःया प्रशंसा न्‍ह्याबलें जुइमा।

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

हितोपदेश 15:32

अनुशासनयात च्‍यूताः मतइपिन्‍सं थःत हे स्‍यंकी, थःगु द्वं भिंकीम्‍ह मनू बुद्धिमान खः।

हितोपदेश 15:33

परमप्रभुया भय कायेगु धयागु हे ज्ञान खः। क्‍वमिलु जुल कि हनाबना नं याइ।

हितोपदेश 15:5

मूर्खतय्‌सं जक बौया अनुशासनयात च्‍यूताः तइ मखु, बुद्धिमानतय्‌सं थुकियात नाला काइ।

हितोपदेश 18:2

मूर्खतय्‌सं थू मथूया बिचाः याइ मखु, थःगु खँ जक द्यःने तयेत स्‍वइ।

हितोपदेश 2:5

छं परमप्रभुयागु भय छु खः धकाः सी, अले परमेश्‍वरया ज्ञान लाइ।

हितोपदेश 23:9

मूर्खतलिसे ज्ञानयागु खँ ल्‍हाये मते, इमिसं थ्‍वयात हेबाय्‌चबाय् याइ।

हितोपदेश 9:10

ज्ञानया न्‍हापांगु पलाः धयागु परमप्रभुया भय कायेगु खः। अले पवित्रम्‍हय्‌सित म्‍हसीकेगु हे लिग्‍यां खः।

उपदेशक 12:13

फुक्‍क खँ न्‍यने धुंकल। खँया लिच्‍वः थ्‍व हे खः, परमेश्‍वरया भय का, अले वय्‌कःया आज्ञायात मानय् या, छाय्‌धाःसा मनूतय्‌सं यायेमाःगु ज्‍या थ्‍व हे खः।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

व्‍यवस्‍था 4:6

छिमिसं परमप्रभुं धाःथें यात धाःसा मेगु जातितय्‌त छिमिगु बुद्धि व छिमिसं खँ थूगु क्‍यनी। अले इमिसं थुपिं आज्ञा न्‍यनाः धाइ, “धात्‍थें हे थ्‍व तःधं जातियापिं मनूत बुद्धि दुपिं व खँ थूपिं खः।”