हितोपदेश 1:16 - नेवाः बाइबल

¹⁶ छाय्‌धाःसा इमिगु पलाः मभिंगु ज्‍याय् न्‍ह्यानाच्‍वंगु दु। स्‍याये पालेत तकं इपिं न्‍ह्यचिलाच्‍वंगु दु।

हितोपदेश 1:16 ပူးပေါင်းရင်းမြစ်များ

उत्‍पत्ति 37:20

वयात स्‍यानाः थन छगः तुंथिइ कुर्काथके। अले जंगली पशुं स्‍यानाः नल धाये। अले स्‍वये का वयागु म्‍हगस छु जुइ थें।”

हितोपदेश 1:17

झंगलं खंक इमित जाः प्‍यनेगु सितिं खः।

हितोपदेश 12:6

दुष्‍टतय्‌गु खं ग्‍यानापुगु जालय् लाकी, तर धर्मीतय्‌गु खं बचय् याइ।

हितोपदेश 4:16

दुष्‍टत सुयातं मस्‍यंकुतले द्यनेफइ मखु सुयातं क्‍वःमथतले इमि न्‍ह्यः वइ मखु।

हितोपदेश 6:17

घमण्‍ड याइगु मिखा मखुगु खँ ल्‍हाइगु मे निर्दोषपिन्‍त स्‍याइगु ल्‍हाः

हितोपदेश 6:18

मभिंगु जाः ग्‍वइगु नुगः मभिंगु ज्‍या यायेत हथाय् चाइगु तुति

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

रोमी 3:5

झीसं यानागु मभिंगु ज्‍यां परमेश्‍वरया धार्मिकता झन सीदत धाःसा झीसं छु धायेगु? परमेश्‍वरं तंचायाः झीत सजाँय बियादीवं परमेश्‍वर मभिंम्‍ह जुइ ला? (थ्‍व खँ जिं मनूतय्‌सं थें धयाच्‍वनागु दु।)

१ शमूएल 19:10

शाऊलं दाऊदयात अंगलय् हे तानाः छ्वये धकाः भालां कय्‌कल तर दाऊद चिला वन अले भाला वनाः अंगलय् यग्‍गात। उखुन्‍हु चान्‍हय् हे दाऊद बिस्‍युं वनाः बचय् जुल।