1 दाऊदया काय्, इस्राएलया जुजु सोलोमनया हितोपदेश–
सोलोमन थः अबु दाऊदया सिंहासनय् च्वन। वयागु शासन बल्लाक पलिस्था जुल।
परमप्रभुं थःगु बचंकथं सोलोमनयात बुद्धि बियादिल। हीराम व सोलोमन मिलय् जुयाच्वन। इमिसं थःथवय् सन्धि नं यात।
तर छिमि छम्ह काय् दइ, व शान्ति यःम्ह मनू जुइ। जिं प्यखेरं वया शत्रुतपाखें वयात शान्ति बी। वयागु नां सोलोमन जुइ, व इस्राएलय् जुजु जुयाच्वंतले जिं इस्राएलयात सुख व शान्ति बी।
वय्कलं जितः यक्व काय्पिं बियादिल अले वय्कलं इपिं मध्ये सोलोमनयात परमप्रभुया राज्य इस्राएलय् शासन यायेत ल्ययादिल।
थुकथं सोलोमन थः बौ दाऊदया गद्दीइ च्वन। उगु गद्दी परमेश्वरं पलिस्था यानादीगु खः। सोलोमन तसकं ताःलात। इस्राएलयापिं सकसिनं वयागु आज्ञा मानय् याइगु
ताःई तक म्वानाः धन व नां दय्काः बुरा जूबलय् दाऊद सित, अले वयागु थासय् वया काय् सोलोमन जुजु जुल।
सोलोमनया उपदेश बुद्धिमानम्ह काय्नं बौयात लय्ताय्की। तर मूर्खम्ह काय्नं थः मांयात दुःख बी।
छिमिसं सत्य खँ थुइमा, अले छिमिथाय् न्यंके छ्वयाहइपिन्त थुइकाः बी फयेमा धकाः च्वयाबियागु मखु ला?
सोलोमनया थ्व उपदेशत यहूदाया जुजु हिजकियाया मनूतय्सं ल्ह्ययातःगु खः,
दाऊदया काय्, यरूशलेमया जुजु, उपदेशकया वचन –
उपदेशक बुद्धि दुम्ह जक मखु, तर वं मनूतय्त ज्ञानया खँ नं स्यनेगु यात। वं बांलाक बिचाः यात अले जाँचय् यानाः उखानयात झ्वःलाक तयाबिल।
“थ्व खँ फुक्कं जिं छिमित चाःहिकाः मेकथं धयाच्वना। व ई नं वइ गुबलय् जिं छिमित बाःयागु खँ चाःहिकाः मकंसे ध्वाथुइक कनाबी।
