फिलिप्‍पी 4:15 - नेवाः बाइबल

¹⁵ थ्‍व खँ छिमिसं सि हे स्‍यू माकेडोनियां भिंगु खँ न्‍यंकाः वने त्‍यनाबलय् नं छिमिगु मण्‍डलीं हे जक जितः ग्‍वाहालि यात, मेगु गुगुं नं मण्‍डलीं मयाः।

फिलिप्‍पी 4:15 ပူးပေါင်းရင်းမြစ်များ

२ राजा 5:16

तर एलीशां धाल, “जिं सेवा याना वयाच्‍वनाम्‍ह परमप्रभु म्‍वाःम्‍ह खः थें, जिं पाफया धाये जिं छुं काये मखु।” कोस्‍यालि कायेत नामानं वयात कर यात, अथेसां वं कोस्‍यलि मकाः।

२ राजा 5:20

परमेश्‍वरया मनू एलीशाया च्‍यः गेहजीं मनमनं धाल, “जिमि मालिकं थ्‍व अरामी नामानयात वं हःगु छुं मकासें याउँक छ्वल, धात्‍थें परमप्रभु म्‍वाःम्‍ह खः थें, जिं नामानया ल्‍युने ब्‍वाँय् वनाः वयाके छुं कयाः हये।”

प्रेरित 16:40

झ्‍यालखानां पिहां वयाः इपिं लिडियायागु छेँय् वन। दाजुकिजापिन्‍त नाप लानाः साहस बियाः इपिं अनं वन।

रोमी 15:26

यरूशलेमय् च्‍वंपिं चीमिपिं विश्‍वासीतय्‌त ग्‍वाहालि बीत माकेडोनियाय् व अखैयाय् च्‍वंपिं मण्‍डलीयापिन्‍सं लय्‌तातां भेटी बिल।

फिलिप्‍पी 1:12

यःपिं दाजुकिजापिं, जितः थथे जूवःगु दुःखकष्‍टं भिंगु खँ झन बय्‌बय् जुयावंगु दु धकाः सीकि।

फिलिप्‍पी 1:16

थथे यचुगु नुगलं भिंगु खँ न्‍यंका जूपिन्‍सं जितः भिंगु खँयागु निंतिं थथे झ्‍यालखानाय् कुनातःगु खः धकाः सीकाः माया वनाः न्‍यंकाजूगु खः।

फिलिप्‍पी 1:5

छाय्‌धाःसा भिंगु खँ न्‍यंकेगु ज्‍याय् छिमिसं जितः न्‍हापांनिसें ग्‍वाहालि यानावयाच्‍वंगु दु।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।