फिलिप्‍पी 3:16 - नेवाः बाइबल

¹⁶ थन तक झीपिं गुकथं थ्‍यंकः वया उकथं हे न्‍ह्यज्‍याये।

फिलिप्‍पी 3:16 ပူးပေါင်းရင်းမြစ်များ

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

रोमी 15:5

सह याये फय्‌कादीम्‍ह अले ग्‍वाहालि बियादीम्‍ह परमेश्‍वरं छिपिं सकसिनं छप्‍पँ जुयाः येशू ख्रीष्‍टयागु लँपुइ वने फय्‌कादीमा।

गलाती 5:7

छिपिं ला बांलाक ब्‍वाँय् वनाच्‍वंगु खः। छिमित सुनां सत्‍य खँ मानय् याये मते धकाः पन?

गलाती 6:16

थथे न्‍हूपिं जुयाः म्‍वानाच्‍वंपिं धात्‍थेंयापिं इस्राएलीतय्‌त परमेश्‍वरं दया व शान्‍ति बियादीमा।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 2:2

अथे खः धयागु जूसा छिमिसं छगू हे मनं, छगू हे मायां, छगू हे नुगलं, अले छता हे खँय् मन बियाः जितः अज्‍जं लय्‌ताय्‌की।

फिलिप्‍पी 4:2

इयोदिया व सुन्‍तुखेयात जिं बिन्‍ति यानाच्‍वना – छिपिं निम्‍ह तताकेहेँ प्रभुयात विश्‍वास यानाः मिलय् जुयाच्‍वँ।

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

कलस्‍सी 4:2

छिमिसं प्रार्थना यायेगु गुबलें त्‍वःते मते। म्‍हुतुं जक प्रार्थना यायेगु मखु, दुनुगलंनिसें परमेश्‍वरयात सुभाय् बियाः प्रार्थना यायेमाः।

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।