फिलिप्‍पी 2:14 - नेवाः बाइबल

¹⁴ न्‍ह्यागुं ज्‍या उसि मचासे व जवाःसवाः मयासें यायेमाः।

फिलिप्‍पी 2:14 ပူးပေါင်းရင်းမြစ်များ

भजनसंग्रहया सफू 106:25

इमिसं परमप्रभुया खँ मन्‍यन, इपिं थथःगु पालय् भुनभुन हालाच्‍वन

हितोपदेश 13:10

घमण्‍डं ल्‍वापु हइ, तर सल्‍लासाहुति काइपिं बुद्धिमान खः।

गन्‍ती 14:27

“थ्‍व मभिंगु खलकं गुबलय् तक जिगु विरोधय् कचकच यानाच्‍वनी? इस्राएलीतय्‌गु कचकच जिं यक्‍व हे न्‍यनेधुन।

मत्ती 20:11

ज्‍याला कयाः इपिं क्‍यबया थुवाःयाथाय् वनाः हाः वन।

मर्कूस 14:5

थ्‍व चिकं म्‍यूगु जूसा स्‍वसः दिनार वइ। अले थ्‍व धिबा नये मखंपिन्‍त इनाब्‍यूगु जूसा ज्‍यूगु नि।” थुकथं इमिसं व मिसायात तसकं ब्‍वःबिल।

मर्कूस 9:14

वय्‌कःपिं मेपिं चेलातय्‌थाय् लिहां झाःबलय् अन यक्‍व मनूत मुनाच्‍वंगु व शास्‍त्रीत वय्‌कःया चेलात लिसे हालाच्‍वंगु खन।

लूका 5:30

फरिसीत व शास्‍त्रीतय्‌सं वय्‌कःया चेलातय्‌त इमिगु दोष क्‍यनाः थथे धाल – “कर काइपिं व पापीत नाप च्‍वनाः छिमिसं छाय् नयेत्‍वने यानागु?”

प्रेरित 15:2

इमिसं थथे धकाः स्‍यंगुलिं पावल व बारनाबासं थ्‍व खँय् इपिं लिसे तसकं जवाःसवाः यात। लिपा पावल, बारनाबास व अनं सुं विश्‍वासीतय्‌त यरूशलेमय् छ्वयेगु, अले प्रेरितत व थकालिपिं लिसे थुकियात कयाः खँ ल्‍हायेगु क्‍वःछित।

प्रेरित 15:39

थुकिं यानाः इमि दथुइ कचकच जुल। अले इपिं निम्‍हं बायावन। बारनाबास मर्कूसयात ब्‍वनाः साइप्रसपाखे वन।

प्रेरित 15:7

ताःहाकय्‌क खँल्‍हाबल्‍हा जुइ धुंकाः पत्रुसं दनाः धाल – “दाजुकिजापिं, यक्‍व दँ न्‍हापा यहूदीमखुपिन्‍त नं भिंगु खँ न्‍यंकाः विश्‍वास याकेत परमेश्‍वरं छिकपिनिगु दथुं जितः ल्‍ययादिल। थ्‍व ला छिकपिन्‍सं सि हे स्‍यू।

प्रेरित 6:1

उगु इलय् चेलात अप्‍वः ददं वन। न्‍हियान्‍हिथं नसा इनाबीबलय् ग्रीक भाय् ल्‍हाइपिं यहूदीतय्‌सं इमि भाःत मदुपिं मिसातय्‌त वास्‍ता मयाः धकाः हिब्रू भाय् ल्‍हाइपिं यहूदीत नाप कचकच याना हल।

रोमी 12:18

फुक्‍क मनूत नाप फयां फतलय् मिलय् जुयाच्‍वनेगु कुतः या।

रोमी 14:1

विश्‍वास बमलाःनिम्‍ह मनूयात संगतिइ लसकुस या, वयागु खँयात कयाः जवाःसवाः याये मते।

रोमी 16:17

यःपिं दाजुकिजापिं, छिमित स्‍यनागु शिक्षा नाप पाय्‌छि मजुइक अःखतं ल्‍वापु याकेत व मनूतय्‌गु विश्‍वास स्‍यंकेत स्‍वइपिं नाप होश‍ यानाच्‍वँ। इपिंपाखें तापाक च्‍वँ।

१ कोरिन्‍थी 10:10

इमिसं थें झीसं नं प्रभु नाप कचकच याये मज्‍यू। इमिसं अथे कचकच याःगुलिं इमित नाश याइम्‍ह दूत छ्वयाहयाः स्‍यानादिल।

२ कोरिन्‍थी 12:20

आम्‍कन वयेबलय् जिं मतिइ तया थें छिपिं मजूगु, व छिमिसं मतिइ तः थें जि मजुइ फु धकाः जि ग्‍यानाच्‍वना। छिमि दथुइ थःथवय् ल्‍वापु जुइगु, नुगः मुइकेगु, थःथवय् तंम्‍वया जुइगु, थःगु जक भिं स्‍वयेगु, मभिंकाः खँ ल्‍हायेगु, कर्पिनिगु निन्‍दा यायेगु, घमण्‍ड यानाजुइगु, गतिपति मदय्‌क सना जुइगु, थज्‍याःगु मभिंगु खँ दये फु।

गलाती 5:15

अय्‌नं गुँपशुत थें थथः हे ल्‍वाना जूसा छिपिं फुक्‍कं स्‍यनावनी धयागु खँय् छिमिसं होश‍ यानाच्‍वँ।

गलाती 5:26

झीसं थःथवय् घमण्‍ड यानाजुइगु, तंम्‍वया जुइगु व नुगः मुइका जुइगु याये मज्‍यू।

फिलिप्‍पी 2:3

थःगु जक भिं स्‍वयाः तःधंछुना जुइ मते। बरु थःथवय् क्‍वमिलु जुयाः मेपिं स्‍वयाः चिधं जुया जु।

१ थेसलोनिकी 5:13

इमिसं यानाच्‍वंगु ज्‍यां यानाः इमित दुनुगलंनिसें माया यानाः हनाबना तयेगु या। अले थःथवय् नं मिलय् चले जुयाच्‍वँ।

१ थेसलोनिकी 5:15

मभिंगुया पलेसा मभिंगु तुं याये मते, बरु थःथवय् व न्‍ह्याम्‍हय्‌सित नं न्‍ह्याबलें भिंका जुइगु कुतः या।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

याकूब 1:20

परमेश्‍वरया न्‍ह्यःने धर्मी जुया च्‍वनेत तं पिकया जुइ मज्‍यू।

याकूब 3:14

तर छिपिं नुगः मुइकाः स्‍वार्थी जुयाः तःधंछुया जुइ मते। थुकथं छिमिसं फताहा खँ ल्‍हानाः परमेश्‍वरयागु सत्‍ययात त्‍वपुइत स्‍वये मते।

याकूब 5:9

दाजुकिजापिं, छिपिं थःथवय् कचकच याना जुइ मते। अले जक परमेश्‍वरं छिमित भिंपिं मनूत खः धकाः सजाँय बियादी मखु। स्‍व, मनूतय्‌त न्‍याय यानादीम्‍ह प्रभु याकनं हे झायादीत्‍यंगु दु।

१ पत्रुस 3:11

पापं लिचिलाः भिंगु ज्‍या या। शान्‍तियागु लँपु त्‍वःतावने मते।

१ पत्रुस 4:9

पाहां वःपिं मनूतय्‌त छिमिसं दुनुगलंनिसें लसकुस या।

यहूदा 1:16

थुपिं गुब्‍सं लुमधनिपिं, मेपिनिगु दोष जक मालाजुइपिं, थःत यःथें सना जुइपिं, तःधंछुना जुइपिं, व थःगु ज्‍या तिप्‍यंकेत मेपिन्‍त ह्यय्‌कः जुइपिं खः।