गन्‍ती 9:15 - नेवाः बाइबल

¹⁵ गुखुन्‍हु साक्षीया पाल धकाः धाइगु पवित्र पाल धकस्‍वाकल उखुन्‍हु उकियात सुपाँचं वयाः त्‍वपुल। सन्‍ध्‍याकाः इलंनिसें सुथय् तक पवित्र पालया च्‍वय्‌यागु थ्‍व सुपाँय् मि थें खनेदत।

गन्‍ती 9:15 ပူးပေါင်းရင်းမြစ်များ

नहेम्‍याह 9:12

छिं इमित न्‍हिनय् सुपाँय्‌या थां व चान्‍हय् मियागु थामं लँ क्‍यनाः यंकादिल।

नहेम्‍याह 9:19

“अय्‌नं छिं इमित तसकं नुगः क्‍यातुम्‍ह क्‍यनाः मरुभूमिइ वान्‍छ्वया मदी। इमित लँपु क्‍यनीगु न्‍हिनय्‌सियागु सुपाँय्‌या थां व चान्‍हय्‌सियागु मिया जः छिं चीका मदी।

भजनसंग्रहया सफू 105:39

परमेश्‍वरं थः मनूतय्‌त त्‍वपुयेत सुपाँय् तयादिल। अले चान्‍हय् जः बीत मि बियादिल।

भजनसंग्रहया सफू 78:14

न्‍हिनय् वय्‌कलं इमित सुपाँचं व चान्‍हय् मिया जलं लँ क्‍यनादिल।

प्रस्‍थान 13:21

इपिं चान्‍हि वनाच्‍वने फयेमा धकाः इमित लँ क्‍यनेत न्‍हिनय् सुपाँय्‌या थामय् व चान्‍हय् मिया थामय् च्‍वनाः परमप्रभु न्‍ह्यः न्‍ह्यः झायेगु यानादिल।

प्रस्‍थान 13:22

दिनय् सुपाँय्‌या थां व चान्‍हय् मिया थां इमिगु न्‍ह्यःनं गुबलें चिलामवं।

प्रस्‍थान 14:24

सुथय् जुइत्‍यंबलय् परमप्रभुं मि व सुपाँय्‌या थामं क्‍वस्‍वयाः मिश्री सिपाइँतय्‌त इतिमिति कंकाबिल।

प्रस्‍थान 40:2

“न्‍हापांगु लाया न्‍हापांगु दिंखुन्‍हु पवित्र पाल ग्‍वः।

प्रस्‍थान 40:34

अले नापलायेगु पालयात सुपाँचं त्‍वपुल, व परमप्रभुयागु महिमां पवित्र पाल जाल।

प्रस्‍थान 40:35

मोशा पवित्र पालय् दुहां वने मफुत छाय्‌धाःसा व सुपाँय् उकी च्‍वना हे च्‍वन अले परमप्रभुयागु महिमां पवित्र पाल जायाच्‍वन।

प्रस्‍थान 40:38

इस्राएलीतय्‌गु फुक्‍क यात्रा ज्‍वःछिं न्‍हिनय् परमप्रभुया सुपाँय् पवित्र पालया च्‍वय् खनेदइ, चान्‍हय् धाःसा उकी इमिसं मि खनी।

यशैया 4:5

अनंलि सियोन पर्वतय् व अन मुनाच्‍वंपिं मनूतय्‌के परमप्रभुं न्‍हिनय् सुपाँय् व चान्‍हय् कुँ व मित्‍याः छ्वयाहयादी। फुक्‍क शहरयात परमेश्‍वरया महिमां त्‍वपुइ अले रक्षा यानादी।

गन्‍ती 10:34

इपिं छगू बाय् त्‍वःताः मेगु थासय् न्‍ह्याः वनीबलय् न्‍हिच्‍छि परमप्रभुया सुपाँय् इमि च्‍वंच्‍वं जुयाच्‍वन।

गन्‍ती 14:14

अले इमिसं थ्‍व देशयापिं मनूतय्‌त थ्‍व खँ कनाबी। इमिसं छि परमप्रभु इमिथाय् चुलिंचू खनेदइगु, छिगु सुपाँय् इमिगु च्‍वय् दिनाच्‍वनीगु, छिं थुमित न्‍हिनय् न्‍हिनय् सुपाँया थां जुयाः लँ क्‍यनादीगु अले बहनी बहनी च्‍यानाच्‍वंगु मि जुयाः लँ क्‍यनादीगु धकाः नं स्‍यू।

गन्‍ती 17:7

मोशां उपिं कथि कयाः महा-पवित्र थासय् बाचाया सनूया न्‍ह्यःने तयाबिल।

१ कोरिन्‍थी 10:1

यःपिं दाजुकिजापिं, मोशानापं जूपिं झी तापाःबाज्‍यापिन्‍त मरुभूमिइ छु जूगु खः जिं छिमित लुमंकाबी मास्‍ति वः। इपिं फुक्‍कं सुपाँय्‌या क्‍वसं जुयाः लाल समुद्र छिनावंगु खः।

व्‍यवस्‍था 1:33

वय्‌कलं छिमिगु निंतिं बाय् च्‍वनेगु थाय् मालेत व छिपिं वनेमाःगु लँपु क्‍यनेत चान्‍हय् मि व न्‍हिनय् सुपाँचय् जुयाः यात्रा धुछि न्‍ह्यःने न्‍ह्यःने झायादिल।