गन्‍ती 9:14 - नेवाः बाइबल

¹⁴ “‘छिमिगु दथुइ च्‍वनिपिं परदेशीं परमप्रभुया छुत्‍काराया नखः हने मास्‍ति वय्‌कूसा उकियागु नियम व विधिकथं हनेमाः। नियम धाःसा अन हे बूपिं व पिनं वयाच्‍वंपिनिगु निंतिं छगू हे जुइ।’”

गन्‍ती 9:14 ပူးပေါင်းရင်းမြစ်များ

एज्रा 6:21

ज्‍वनाःयंका तयातःगु थासं लिहांवःपिं सकलें इस्राएलीतय्‌सं जक मखु, परमप्रभु इस्राएलया परमेश्‍वरयात आराधना यायेत थःगु थितिकुति त्‍वःतूपिं उगु देशय् च्‍वनाच्‍वंपिं मेगु जातियापिं मनूतय्‌सं नं भ्‍वय् नल।

प्रस्‍थान 12:43

परमप्रभुं मोशा व हारूनयात धयादिल, “छुत्‍काराया नखःया विधि थुकथं दु, सुं विदेशीं थ्‍व नखःया भ्‍वय् नये मज्‍यू।

प्रस्‍थान 12:47

इस्राएलया फुक्‍क मनूतय्‌सं थ्‍व नखः हनेमाः।

लेवी 19:10

छिमिसं थःगु दाखक्‍यबं दाख खाइबलय् फुक्‍कं दाख खाये मते अले बँय् कुतुं वंगु दाख नं काये मते। व नये मखंपिं व परदेशीतय्‌गु निंतिं त्‍वःताब्‍यु। जि परमप्रभु छिमि परमेश्‍वर खः।

लेवी 22:25

सुं परदेशीयाके कयाः नं थज्‍याःम्‍ह पशु परमेश्‍वरया निंतिं छाये मज्‍यू। वयागु म्‍हय् स्‍यंगु ब्‍व दु, वयाके खू दु। अथे जुयाः व छिमिगु पलेसा नालेबहः जुइ मखु।’”

लेवी 24:22

स्‍वदेशीया निंतिं व विदेशीया निंतिं नियम छगू हे जुइमाः। जि परमप्रभु छिमि परमेश्‍वर खः।’”

लेवी 25:15

बुँया भाः क्‍वःछीबलय् लुँदँ धुंकाः बुँज्‍या यायेगु ईया ल्‍याः तयाः क्‍वःछ्यु। लिपा वइगु लुँदँ तक ग्‍वदँतक जमिनं अन्‍न सय्‌के फइ, वकथं जमिनया मू क्‍वःछ्यु।

गन्‍ती 15:15

छिमिगु व छिपिंनापं च्‍वनाच्‍वंपिं मेगु जातियापिं मनूतय्‌गु लागिं खलःया सदां सदांया नियम छगू हे जुइमाः। परमप्रभुया न्‍ह्यःने छिपिं व मेगु जातियापिं मनूत उथें खः।

गन्‍ती 15:16

छिमित व छिपिंनापं च्‍वनाच्‍वंपिं मेगु जातियापिं मनूतय्‌त छगू हे नियम व छगू हे विधि जुइ।’”

व्‍यवस्‍था 29:11

छिमि मचाखाचात व कलाःपिं अले छिमि सिँ पालीपिं व लः क्‍वबिपिं छिमि छाउनीइ च्‍वनिपिं परदेशीत नं छिपिंनापं दु।

व्‍यवस्‍था 31:12

मिजं व मिसा, मस्‍त व छिमि शहर दुने च्‍वनाच्‍वंपिं परदेशीत फुक्‍कसित मुंकि, अले इमिसं न्‍यनाः परमप्रभु छिमि परमेश्‍वरया भय कायेगु व थ्‍व व्‍यवस्‍थाया फुक्‍क वचन बांलाक मानय् यायेगु सय्‌केमाः।