गन्‍ती 9:13 - नेवाः बाइबल

¹³ अय्‌नं शुद्धम्‍ह व यात्राय् मवंम्‍ह मनुखं छुत्‍काराया नखः महंसा वयात थः मनूत मध्‍ये नाश याना छ्वयेमाः। छाय्‌धाःसा वं क्‍वःछीगु इलय् देछा मछाः। व मनुखं थःगु पापयागु सजाँय भोगे यायेमाः।

गन्‍ती 9:13 ပူးပေါင်းရင်းမြစ်များ

उत्‍पत्ति 17:14

सुं नं मिजंनं म्‍हय् चिं मतल धाःसा व जिम्‍ह मनू जुइ मखु, छाय्‌धाःसा वं जिलिसें बाचा च्‍यूगु दइ मखु।”

प्रस्‍थान 12:15

न्‍हय्‌न्‍हु तक छिमिसं सोडा मतःगु मरि नयेमाः। न्‍हापांगु दिंखुन्‍हु छिमिसं थथःगु छेँनं सोडा वांछ्वयेमाः। सुनानं थ्‍व न्‍हय्‌न्‍हुया दुने सोडा तयातःगु छुं नं नल धाःसा वयात इस्राएली मनूतपाखें पितिनाछ्वइगु जुइ।

प्रस्‍थान 12:19

न्‍हय्‌न्‍हु तक छिमिगु छेँय् सोडा दुगु मरि मदयेमाः। सुनां नं सोडा दुगु छुं नल धाःसा इस्राएली जूसां विदेशी जूसां वयात इस्राएलया खलकं पितिनाछ्वइगु जुइ।

प्रस्‍थान 12:47

इस्राएलया फुक्‍क मनूतय्‌सं थ्‍व नखः हनेमाः।

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

प्रस्‍थान 30:38

सुनानं नस्‍वाःया लागि व थें च्‍वंक छुं दय्‌कल धाःसा वयात थः मनूतय् दथुं पितिना छ्वयेमाः।”

इजकिएल 23:49

छंगु व्‍यभिचारया सजाँय छं फयेमाली, छं याःगु मूर्ति पुजाया पापया सजाँय छं भोगे याइ। अले जि हे परमप्रभु परमेश्‍वर खः धकाः छं सी।”

लेवी 17:10

“‘इस्राएलीत वा इपिं नापं च्‍वनाच्‍वंपिं परदेशीत मध्‍ये सुनानं हि नल धाःसा जिं व हि नइम्‍ह मनूयागु विरोध याये, अले वयात थः मनूतपाखें पितिनाछ्वये।

लेवी 20:20

“‘सुनानं थः कका वा तःबाःया कलाःनापं लसपस यात धाःसा वं थः कका वा तःबाःयात लज्‍या चाय्‌कूगु जुइ। इपिं थःगु पापया निंतिं दोषी जुइ। अले इपिं मचाखाचा मदय्‌कं हे सी।

लेवी 22:9

“‘अथे जुयाः इमिसं जिगु विधियात मानय् यायेमाः, मखुसा इपिं जिगु विधियात मानय् मयाःगुलिं दोषी जुयाः सिनावनी। जि इमित पवित्र याइम्‍ह परमप्रभु खः।

लेवी 24:15

छं इस्राएलीतय्‌त थथे धा, ‘सुनानं थः परमेश्‍वरयात सराः बी, थुकिया निंतिं वं सजाँय फयेमाः।

गन्‍ती 19:13

सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

गन्‍ती 19:20

अशुद्ध जूम्‍ह मनुखं थःत शुद्ध मयात धाःसा वयात खलःया दथुं नाश याना छ्वयेमाः, छाय्‌धाःसा वं परमप्रभुया पवित्र पालयात अशुद्ध यात। वयागु म्‍हय् शुद्ध यायेगु लखं मछ्वाकूगुलिं व अशुद्धम्‍ह हे जुइ।

गन्‍ती 5:31

थज्‍याःगु ज्‍याय् मिजंयात छुं कथंया दोष लाइ मखु। मिसायागु दोष दत धाःसा वं सजाँय फयेमाली।’”

गन्‍ती 9:7

अले मोशायात धाल, “जिपिं मनूया सीम्‍हया हुनिं अशुद्ध जूगु दु, तर क्‍वःछीगु इलय् मेपिं इस्राएलीतलिसें परमप्रभुया देछा जिमिसं छाय् छाये मज्‍यू?”

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।

हिब्रू 6:6

अय्‌नं हे थुमिसं वय्‌कःयात त्‍वःतावन धाःसा थुमित पश्‍चाताप याकाः हानं लित हये फइ मखु। छाय्‌धाःसा थुमिसं हानं छकः फुक्‍कसिया न्‍ह्यःने परमेश्‍वरया काय्‌यात क्रूसय् यख्‍खानाः बेइज्‍जत याइ।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।