गन्‍ती 9:12 - नेवाः बाइबल

¹² फैचाया ला सुथय् तक ल्‍यंकातये मते। फैचाया छुं नं क्‍वँय् त्‍वःथुले मते। थ्‍व नखःयात हनेगु छुत्‍काराया नखःया फुक्‍क नियमकथं हनेमाः।

गन्‍ती 9:12 ပူးပေါင်းရင်းမြစ်များ

प्रस्‍थान 12:10

सुथय् जुइ न्‍ह्यः ला फुक्‍कं फुकेमाः, ला ल्‍यं दुसा व ला फुक्‍कं मिइ छ्वय्‌का छ्वयेमाः।

प्रस्‍थान 12:43

परमप्रभुं मोशा व हारूनयात धयादिल, “छुत्‍काराया नखःया विधि थुकथं दु, सुं विदेशीं थ्‍व नखःया भ्‍वय् नये मज्‍यू।

प्रस्‍थान 12:46

“भ्‍वय् ज्‍वरय् याःगु थासय् हे व फुक्‍क नयाः सिधय्‌केमाः। व छेँनं ला छकू नं पित हये मज्‍यू। व भ्‍वय्‌या निंतिं स्‍याःम्‍ह पशुया क्‍वँय् छकू नं त्‍वःथुले मज्‍यू।

प्रस्‍थान 12:8

उखुन्‍हु हे चान्‍हय् छिमिसं चिधिकःम्‍ह भ्‍याःचाया ला मिइ छुयाः खायुगु वाउँचा व सोडा मतःगु मरिनापं नयेमाः।

प्रस्‍थान 40:38

इस्राएलीतय्‌गु फुक्‍क यात्रा ज्‍वःछिं न्‍हिनय् परमप्रभुया सुपाँय् पवित्र पालया च्‍वय् खनेदइ, चान्‍हय् धाःसा उकी इमिसं मि खनी।

गन्‍ती 9:3

थ्‍व हे लाया झिंप्‍यन्‍हु दुखुन्‍हु सन्‍ध्‍याकाः इलय् क्‍वःछीगु इलय् छिमिसं थ्‍व नखः हँ। उकिया फुक्‍क नियम व विधिकथं छिमिसं हँ।”

यूहन्‍ना 19:36

धर्मशास्‍त्रय् च्‍वयातःगु थ्‍व खँ पूवनेमा धकाः थथे जूगु खः – “वय्‌कःयागु क्‍वँय् छकुचा हे नं त्‍वधुली मखु।”