गन्‍ती 9:11 - नेवाः बाइबल

¹¹ निगूगु लाया झिंप्‍यन्‍हु खुन्‍हुया सन्‍ध्‍याकाः इलय् इमिसं नखः हनेमाः। इमिसं चिधिकःम्‍ह भ्‍याःचाया ला सोडा मदुगु मरि व खायुगु वाउँचा नापं नयेमाः।

गन्‍ती 9:11 ပူးပေါင်းရင်းမြစ်များ

गन्‍ती 9:10

“इस्राएलीतय्‌त थथे धा, ‘छिमि छेँजः मध्‍ये सुं सीम्‍ह थियाः अशुद्ध जूगु दु वा तापाक्‍क वंगु दुसा, वं नं परमप्रभुया छुत्‍काराया नखः हनेमाः।

गन्‍ती 9:3

थ्‍व हे लाया झिंप्‍यन्‍हु दुखुन्‍हु सन्‍ध्‍याकाः इलय् क्‍वःछीगु इलय् छिमिसं थ्‍व नखः हँ। उकिया फुक्‍क नियम व विधिकथं छिमिसं हँ।”

यूहन्‍ना 19:36

धर्मशास्‍त्रय् च्‍वयातःगु थ्‍व खँ पूवनेमा धकाः थथे जूगु खः – “वय्‌कःयागु क्‍वँय् छकुचा हे नं त्‍वधुली मखु।”

व्‍यवस्‍था 16:3

व नापं सोडा दुगु मरि नये मते। न्‍हय्‌न्‍हु तक सोडा मतःगु मरि धाःसा नयेगु या, थ्‍व दुःखया मरि खः। छाय्‌धाःसा मिश्रं छिपिं हथाय् चाचां वःगु खः। मिश्रं पिहां वःगु छिमिसं जिवंकाछि लुमंका तयेत थ्‍व नयेमाःगु खः।