गन्‍ती 8:26 - नेवाः बाइबल

²⁶ इमिसं नापलायेगु पालया ज्‍याय् थः दाजुकिजापिन्‍त ग्‍वाहालि बी फु, अय्‌नं छुं कथंयागु ज्‍या थःपिन्‍सं मयायेमा। अथे जुयाः लेवीतय्‌सं यायेमाःगु ज्‍याया बारे छं इमित थथे हे या।”

गन्‍ती 8:26 ပူးပေါင်းရင်းမြစ်များ

१ इतिहास 23:32

थुकथं लेवीतय्‌सं नापलाय्‌गु पालया निंतिं, पवित्र थाय्‌या निंतिं व इमि थःथिति हारूनया सन्‍तानतय् अधीनय् च्‍वनाः परमप्रभुया देगःया सेवाया निंतिं थःपिन्‍सं यायेमाःगु ज्‍या याइगु।

इजकिएल 44:11

इमिसं जिगु पवित्र थासय् सेवा याये फु। देगःया ध्‍वाखातय्‌गु जिम्‍मा कयाः अन सेवा याये फु। इमिसं मनूतय्‌गु निंतिं होमबलि व बलि बीत छायेहपिं पशुत इमिसं स्‍याये फु। इपिं मनूतय् न्‍ह्यःने दनाः इमिगु सेवा याये फु।

इजकिएल 44:8

छिमिसं थःपिन्‍सं जिगु पवित्र ज्‍वलंया जिम्‍मा मकासें थःगु हे मनं छिमिसं मेपिन्‍त जिगु पवित्रगु थासय् मेपिनिगु जिम्‍माय् बिल।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

गन्‍ती 18:4

इमिसं छिमिगु क्‍वय् च्‍वनाः ज्‍या यायेमाः, अले नापलायेगु पालया ज्‍या यायेमाः। छिपिं दुथाय् मेपिं सुं नं मवयेमाः।

गन्‍ती 3:32

हारून पुजाहारीया काय् एलाजार लेवी कुलया मू नायः खः। पवित्र पालया जिम्‍मा कयातःपिं फुक्‍क मनूतय्‌त स्‍वयेत वयात ल्‍यःगु खः।

गन्‍ती 31:30

इस्राएलीतय्‌गु बच्‍छि ब्‍वपाखें मनूत, सा द्वहं, गधा, फै-च्‍वलय् व फुक्‍क पशुया नेय्‌म्‍हय् छम्‍ह कयाः परमप्रभुया नापलायेगु पाल स्‍वइपिं लेवीतय्‌त ब्‍यु।”

गन्‍ती 8:25

अय्‌नं नेय्‌दँ दये धुंकाः इमिसं न्‍हिन्‍हिं यायेमाःगु ज्‍या त्‍वःतेमाः। अले हानं ज्‍या मयायेमाः।

१ तिमोथी 4:15

दुनुगलंनिसें छं थ्‍व ज्‍या बांलाक याना च्‍वँ। अले छंगु ज्‍या मेपिन्‍सं नं खनी।