गन्‍ती 8:22 - नेवाः बाइबल

²² अनंलि दक्‍व लेवीत हारून व वया काय्‌पिनिगु न्‍ह्यःने नापलायेगु पालय् ज्‍या यायेत वल। परमप्रभुं लेवीतय्‌गु बारे मोशायात बियादीगु उजंकथं इमिसं यात।

गन्‍ती 8:22 ပူးပေါင်းရင်းမြစ်များ

२ इतिहास 30:27

अले पुजाहारीत व लेवीत दनाः मनूतय्‌त सुवाः बिल, परमेश्‍वरं इमिगु खँ न्‍यनादिल छाय्‌धाःसा इमिगु प्रार्थना स्‍वर्गय् वय्‌कः च्‍वनादीगु पवित्र थासय् थ्‍यन।

२ इतिहास 31:2

अनंलि हिजकियां पुजाहारीत व लेवीतय्‌त इमिगु पुचः पुचःकथं व छम्‍ह छम्‍ह मनूयात वयागु सेवाकथं परमप्रभुया देगलय् यायेगु ज्‍याया जिम्‍मा बिल, होमबलि व मेलबलि छायेगु व देगःया लुखा लुखाय् सुभाय् व प्रशंसा बीगु।

प्रस्‍थान 12:50

परमप्रभुं मोशा व हारूनयात उजं बियादी थें इस्राएलीतय्‌सं यात।

गन्‍ती 1:50

उकिया पलेसा छं लेवीतय्‌त पवित्र पाल व उकी दुने च्‍वंगु फुक्‍क ज्‍वलंया जिम्‍मा ब्‍यु। छिमिसं थाय् हिलाजुइबलय् इमिसं पवित्र पाल व फुक्‍क ज्‍वलं क्‍वबीमाः। इमिसं व बांलाक स्‍वयेमाः, अले नापलायेगु पालया जवंखवं पाल ग्‍वयाः च्‍वनेमाः।

गन्‍ती 8:15

“छं लेवीतय्‌त विधिकथं शुद्ध यानाः संकाबीगु बलिया निंतिं इमित देछाये धुंकाः पवित्र पालय् ज्‍या यायेत इपिं वनेमाः।

गन्‍ती 8:21

लेवीतय्‌सं थःपिन्‍त शुद्ध यानाः थथःगु वसः हिल। अले हारूनं इमित संकाबीगु बलिकथं परमप्रभुया न्‍ह्यःने देछाल। अले वं इमित शुद्ध यायेत इमिगु निंतिं प्रायश्‍चित यात।

गन्‍ती 8:23

हानं परमप्रभुं मोशायात धयादिल,