गन्‍ती 7:10 - नेवाः बाइबल

¹⁰ वेदीयागु अभिषेक जूबलय् उकिया अर्पणया लागि नायःतय्‌सं थथःगु देछा हयाः वेदीया न्‍ह्यःने छाल।

गन्‍ती 7:10 ပူးပေါင်းရင်းမြစ်များ

१ राजा 8:63

सोलोमनं परमप्रभुयात २२,००० म्‍ह द्वहं व १,२०,००० म्‍ह फै व दुगुया मेलबलि छाल। थुकथं जुजु व फुक्‍क मनूतय्‌सं परमप्रभुया देगःयात देछात।

२ इतिहास 7:5

जुजु सोलोमनं निइनिद्वःम्‍ह द्वहं व छगू लाख व निइद्वःम्‍ह फै-दुगु बां बिल। जुजु व सकल मनूतय्‌सं थुकथं परमेश्‍वरया देगःयात देछाल।

२ इतिहास 7:9

च्‍यान्‍हु खुन्‍हु इमिसं क्‍वचाःगु सभा यात, छाय्‌धाःसा न्‍हय्‌न्‍हु तक इमिसं वेदीयात देछायेगु ज्‍याझ्‍वः यात अले मेगु न्‍हय्‌न्‍हु तक नखः हन।

नहेम्‍याह 12:27

यरूशलेम शहरया पखाः देछाःगु इलय् भुस्‍याः, वीणा व सारंगी थानाः लय्‌लय्‌तातां नखः हनेत सुभाय्‌या भजन हालेत थाय् थासय् च्‍वंपिं लेवीतय्‌त इपिं च्‍वनाच्‍वंगु थासं मालाः यरूशलेमय् हल।

नहेम्‍याह 12:43

उखुन्‍हु यक्‍व बां बिल। परमेश्‍वरं इमित लय्‌ताय्‌कादीगुलिं सकल मनूत तसकं लय्‌ताल। मिस्‍त व काय् म्‍ह्याय्‌पिन्‍सं लसता हन। इमिगु लसताया सः यक्‍व तापाक तक ताये दु।

भजनसंग्रहया सफू 30:1

हे परमप्रभु, जिं छितः तःधंके, छाय्‌धाःसा छिं जितः बचय् यानादिल। अले जिमि शत्रुतय्‌त जितः लाय्‌बुइके मफय्‌काबिल।

गन्‍ती 7:1

मोशां नापलायेगु पाल धस्‍वाके धुंकाः उकियात व उकिया फुक्‍क ज्‍वलं, वेदी व उकिया फुक्‍क थलबल नापं अभिषेक यानाः पवित्र यात।

गन्‍ती 7:11

परमप्रभुं मोशायात धयादिल, “वेदीयात देछायेत न्‍हिं छम्‍ह छम्‍ह कुलनायलं थःगु देछा हयेमाः।”

गन्‍ती 7:84

वेदीयात अभिषेक याइगु दिं इस्राएलया कुलयापिं नायःतय्‌सं छाःगु देछा थुपिं हे खः – वहःयागु झिंनिपा भु, वहःयागु झिंनिगः छ्वाकेगु बाता, व झिंनिपा लुँयागु पाचिंगु थल।

गन्‍ती 7:88

अले मेलबलिया निंतिं मुक्‍कं निइप्‍यम्‍ह द्वहं, खुइम्‍ह भ्‍याःचा, खुइम्‍ह दुगु व खुइम्‍ह दच्‍छि दुपिं चिधिकःपिं भ्‍याःचा छाःगु जुयाच्‍वन। वेदीया अभिषेक याये धुंकाः उकियात छायेत हःगु देछा थ्‍व हे खः।

व्‍यवस्‍था 20:5

अले कप्‍तानतय्‌सं सेनातय्‌त थथे धायेमाः, “छेँ दय्‌काः नं देछाये मखंपिं थन सुं दुसा व थःगु छेँय् लिहां वनेमा। व लडाइँलय् सिनावंसा मेम्‍ह मनू वयागु छेँय् च्‍वनी।