गन्‍ती 6:3 - नेवाः बाइबल

³ वं थःत दाखमद्य, अय्‌लाः थ्‍वँपाखें तापाक तयेमाः। वं छुं कथंयागु दाखमद्य वा थ्‍वँ त्‍वने मज्‍यू, अले गंगु व प्‍याःगु छुं नं कथंयागु दाख नये मज्‍यू।

गन्‍ती 6:3 ပူးပေါင်းရင်းမြစ်များ

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

आमोस 2:11

“जिं छिमि काय्‌पिंपाखें अगमवक्तात ल्‍यया अले छिमि ल्‍याय्‌म्‍हपिंपाखें नाजिरीत ल्‍यया। अय् इस्राएलया मनूत, छु थ्‍व खँ खःगु खँ मखु ला?” परमप्रभुं धयादी।

आमोस 2:12

“तर छिमिसं नाजिरीतय्‌त दाखमद्य त्‍वंकल, अले अगमवक्तातय्‌त अगमवाणी ल्‍हाये मते धकाः आज्ञा बिल।

गन्‍ती 6:4

नाजिरी जुयाः च्‍वंतले वं दाखं दय्‌कातःगु छुं नं नये मज्‍यू, अज्‍ज दाखया पु व ख्‍वला तकं नये मज्‍यू।

लूका 1:15

थ्‍व मचा परमप्रभुया न्‍ह्यःने तसकं तःधं जुइ। वं अय्‌लाः थ्‍वँ छुं हे त्‍वनी मखु। मांया प्‍वाथंनिसें हे पवित्र आत्‍मां जायाच्‍वंम्‍ह जुइ।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

१ थेसलोनिकी 5:22

फुक्‍क कथंयागु मभिंगु खँपाखें तापाक च्‍वँ।

१ तिमोथी 5:23

न्‍हापा थें लः जक त्‍वने मते। थःगु प्‍वाःयागु निंतिं उसाँय् मदुगुया निंतिं भचा भचा दाखमद्य नं त्‍वनेगु या।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

न्‍यायकर्ता 13:14

वं दाखया मां वःगु छुं नं नये मज्‍यू। दाखमद्य वा मेगु छुं नं काइगु त्‍वँसा वं त्‍वने मज्‍यू। वं अशुद्धगु नसा नये मज्‍यू। जिं छु छु आज्ञा बियागु दु वं व फुक्‍क मानय् यायेमाः।”

न्‍यायकर्ता 13:4

आः छं जिं धाःथें या, होश याना जु, दाखमद्य वा मेगु काइगु त्‍वँसा त्‍वने मते, अले छुं अशुद्धगु नसा नये मते।