गन्‍ती 6:27 - नेवाः बाइबल

²⁷ “हारून व वया काय्‌पिन्‍सं इस्राएलीतय्‌त सुवाः बियाः जिगु नां काइबलय् जिं इमित सुवाः बी।”

गन्‍ती 6:27 ပူးပေါင်းရင်းမြစ်များ

उत्‍पत्ति 32:26

व मनुखं धाल, “सुथ जुइन, आः जितः वनेब्‍यु।” याकूबं धाल, “जितः आशिष मब्‍युतले जिं छितः छ्वये मखु।”

उत्‍पत्ति 32:29

याकूबं धाल, “छिगु नां छु?” वं धाल, “जिगु नां छाय् न्‍यने माल?” अले वं वयात आशिष बिल।

२ शमूएल 7:23

अले छिगु जाति इस्राएल थें ज्‍याःगु जाति मेगु छु जाति दु धकाः? थः हे मू पुलाः त्‍वःतकेत झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त मू पुलाः त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले छि थःमनूतय्‌गु लँय् दंपिं जाति जातियात व इमि द्यःतय्‌त ख्‍याना छ्वयादिल।

१ इतिहास 4:10

तर याबेसं इस्राएलयाम्‍ह परमेश्‍वरयात थथे धकाः प्रार्थना यात, “हे परमेश्‍वर, जितः आशिष बियादिसँ। जितः तःकूगु इलाका बियादिसँ। जिं यानागु न्‍ह्यागु नं ज्‍याय् छि जिनापं च्‍वनादिसँ। जितः कसाः बीगु दुःखपाखें बचय् यानादिसँ।” अले परमेश्‍वरं वयागु बिन्‍ति न्‍यनादिल।

२ इतिहास 7:14

जिगु थःगु नां बियातःपिं जिमि मनूतय्‌सं जितः प्रार्थना यात अले जितः मालाः थःम्‍हं यानाच्‍वंगु मभिंगु ज्‍या त्‍वःतल धाःसा जिं इमिगु बिन्‍ति न्‍यने, जिं इमिगु पाप क्षमा यानाबी अले हाकनं इमिगु देशयात च्‍वन्‍ह्याकाबी।

भजनसंग्रहया सफू 5:12

छाय्‌धाःसा परमप्रभु, छिं धर्मीतय्‌त सुवाः बियादी। छिं थःगु मायां इमित प्‍यखें ढालं थें रक्षा यानादी।

भजनसंग्रहया सफू 67:7

परमेश्‍वरं झीत आशिष बियाच्‍वनादीमा। अले पृथ्‍वीया कुंकुलामय् च्‍वंपिं सकल मनूतय्‌सं वय्‌कःयागु भय काइ।

प्रस्‍थान 6:3

अब्राहाम, इसहाक व याकूबयाथाय् जि दक्‍व शक्ति दुम्‍ह परमेश्‍वर कथं खनेदय्‌क वया, तर परमप्रभु धकाः जिं थःगु नामं इमित म्‍हसीके मबिया।

यशैया 43:7

सु सु जिगु नामं सःतूगु दु, सुयात जिं जिगु महिमाया निंतिं सृष्‍टि यानागु दु, सुयात बां लुइका अले सुयात जिं दय्‌का।”

यर्मिया 14:9

छाय् छि अजू चाःम्‍ह मनू थें जुयादीयागु? छाय् बचय् याये मफइम्‍ह बल मदुम्‍ह सिपाइँ थें जुयादियागु? हे परमप्रभु छि जिपिंनापं दी। जिमित छिकपिनि हे मनूत धाइ, जिमित त्‍वःतादी मते!

गन्‍ती 23:20

जितः ला आशिष बीगु उजं बियादीगु दु। वय्‌कलं इमित आशिष बियादीगु दु। उकिं जिं उकिया अःखः याये मफु।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

व्‍यवस्‍था 28:10

अले पृथ्‍वीयापिं सकलें मनूतय्‌सं छिमित परमप्रभुयापिं मनूत खः धकाः सियाः छिपिं खनाः ग्‍याइ।