गन्‍ती 6:24 - नेवाः बाइबल

²⁴ “‘“परमप्रभुं छन्‍त सुवाः बियादीमा अले छंगु बिचाः यानादीमा,

गन्‍ती 6:24 ပူးပေါင်းရင်းမြစ်များ

उत्‍पत्ति 28:15

जि छलिसें दु। छ न्‍ह्याथाय् वंसां जिं छन्‍त स्‍वयाच्‍वने। अले जिं छन्‍त थन हे लित हये। जिं छन्‍त बाचा चिनागु ज्‍या पूमवंतले त्‍वःते मखु।”

२ शमूएल 7:29

अथे जुयाः, आः छिं थःदासया घरानायात लय्‌तायाः आशिष बियादिसँ, थ्‍व न्‍ह्याबलें छिगु न्‍ह्यःने दयाच्‍वनेमा। छाय्‌धाःसा हे परमप्रभु परमेश्‍वर, छिं हे थथे धयादीगु दु। छिगु सुवालं हे छिकपिनि दासया परिवारयात न्‍ह्याबलें सुवाः दयाच्‍वनी।”

भजनसंग्रहया सफू 134:3

स्‍वर्ग व पृथ्‍वी सृष्‍टि यानादीम्‍ह परमप्रभुं छन्‍त सियोनं सुवाः बियादीमा।

भजनसंग्रहया सफू 17:8

मिखाया नानिचायात थें जिमित बचय् यानाः तयादिसँ। छिगु पपूया किचलय् जिमित सुचुकाः तयादिसँ।

भजनसंग्रहया सफू 28:9

हे परमप्रभु, थः मनूतय्‌त बचय् यानादिसँ। थः सर्बययात आशिष बियादिसँ। अले इमि जवाः जुयाः इमिगु बिचाः यानादिसँ।

भजनसंग्रहया सफू 91:11

छ न्‍ह्याथाय् वंसां रक्षा यायेत परमेश्‍वरं थः दूततय्‌त आज्ञा बियादी।

यशैया 27:3

जि परमप्रभु, वयात सुसाःकुसाः याये। जिं उकी लः बियाच्‍वने। जिं चान्‍हि वयागु वास्‍ता याये, मखुसा वयात सुनानं स्‍यंकाबीफु।

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

दानिएल 9:17

“हे जिमि परमेश्‍वर, थःदासया प्रार्थना व दुनुगःया बिन्‍ति न्‍यनादिसँ। भज्‍यंक स्‍यंगु देगःयात छिगु थःगु नांया लागि हाकनं दय्‌कादिसँ।

यूहन्‍ना 17:11

जि आः छिथाय् वयेत्‍यनागुलिं थ्‍व संसारय् दइ मखुत, थुपिं धाःसा थ्‍व संसारय् च्‍वनाच्‍वनी। पवित्रम्‍ह बाः, छिं जितः बियादीपिन्‍त छिगु हे नांयागु निंतिं बचय् यानातयादिसँ। झीपिं थें तुं इपिं नं छप्‍पँ जुयाच्‍वनेमा।

१ कोरिन्‍थी 14:16

परमेश्‍वरयात सुभाय् बीत छंगु आत्‍मां जक प्रार्थना याःसा मेपिं न्‍यना च्‍वंपिन्‍सं मथुइकं गथे यानाः “आमेन” धकाः धायेगु?

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

फिलिप्‍पी 4:23

येशू ख्रीष्‍टयागु दया माया छिपिं फुक्‍कसित दया हे च्‍वनेमा।

फिलिप्‍पी 4:7

सुयागुं ज्ञान बुद्धिं थुइके मफुगु परमेश्‍वरयागु शान्‍तिं छिमिगु नुगः व मनयात ख्रीष्‍ट येशूपाखें बचय् याना तइ।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।

रुथया सफू 2:4

अबलय् हे बोअज बेथलेहेमं थ्‍यंकः वल अले ज्‍यामितय्‌त नाप लानाः धाल, “परमप्रभु छिपिंलिसें दयेमा”। इमिसं लिसः बिल, “परमप्रभुं छितः सुवाः बियादीमा।”

१ शमूएल 2:9

वय्‌कलं विश्‍वास याये बहःपिनिगु रक्षा यानादी, दुष्‍टतय्‌त धाःसा खिउँगु थासय् सुम्‍क तयादी, “सुं मनूयागु शक्तिं वयात त्‍याकेफइ मखु।