गन्‍ती 6:23 - नेवाः बाइबल

²³ “हारून व वया काय्‌पिन्‍त धा, ‘छिमिसं इस्राएलीतय्‌त सुवाः बीबलय् थथे धा,

गन्‍ती 6:23 ပူးပေါင်းရင်းမြစ်များ

उत्‍पत्ति 24:60

इमिसं रिबेकायात आशिष बियाः धाल – “परमेश्‍वरं छन्‍त यक्‍व सन्‍तान बियादीमा, अले छिमि सन्‍तानं थः शत्रुतय्‌त त्‍याकावने फयेमा।”

उत्‍पत्ति 47:10

याकूबं हाकनं छकः फारोयात आशीर्वाद बिल, अले फारोयाथासं पिहां वन।

उत्‍पत्ति 47:7

अले योसेफं थः बौ याकूबयात फारोया न्‍ह्यःने हल। याकूबं फारोयात आशीर्वाद बिल।

उत्‍पत्ति 48:20

उखुन्‍हु इस्राएलं इमित थथे धकाः आशिष बिल, “इस्राएलय् च्‍वंपिन्‍सं छिमिगु नां कयाः थथे धकाः आशिष बी, ‘परमेश्‍वरं छन्‍त एफ्राइम व मनश्‍शे थें दय्‌केमा।’” थुकथं वं एफ्राइमयात मनश्‍शे स्‍वयाः न्‍ह्यःने तल।

१ राजा 8:55

अन मूंपिं इस्राएलया फुक्‍क खलःयात तःसलं थथे धकाः आशीर्वाद बिल,

१ इतिहास 23:13

अम्रामया काय्‌पिं – हारून व मोशा। हारूनयात ब्‍यागलं तःगु खः। व अले वया सन्‍तानयात न्‍ह्याबलेंया लागि तच्‍वकं पवित्रगु सामान देछायेत, परमप्रभुया न्‍ह्यःने बलि छायेत, वय्‌कःया न्‍ह्यःने सेवा यायेत अले न्‍ह्याबलेंया लागि वय्‌कःया नामय् मनूतय्‌त सुवाः बीत ब्‍यागलं तःगु खः।

२ इतिहास 30:27

अले पुजाहारीत व लेवीत दनाः मनूतय्‌त सुवाः बिल, परमेश्‍वरं इमिगु खँ न्‍यनादिल छाय्‌धाःसा इमिगु प्रार्थना स्‍वर्गय् वय्‌कः च्‍वनादीगु पवित्र थासय् थ्‍यन।

प्रस्‍थान 39:43

परमप्रभुं बियादीगु उजंकथं फुक्‍क ज्‍या जूगु खनाः मोशां इपिं सकसित सुवाः बिल।

गन्‍ती 6:22

परमप्रभुं मोशायात धयादिल,

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

१ कोरिन्‍थी 1:3

झी परमेश्‍वर बाः व प्रभु येशू ख्रीष्‍टं दया माया व शान्‍ति बियादीमा।

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

व्‍यवस्‍था 10:8

थौं तक जुया वयाच्‍वंगु थें परमप्रभुयागु बाचाया सनू क्‍वबीत परमप्रभुया न्‍ह्यःने च्‍वनाः वय्‌कःयागु सेवा यायेत अले वय्‌कःया नामय् सुवाः बीत उबलय् परमप्रभुं लेवी कुलयात ल्‍ययादिल।

व्‍यवस्‍था 21:5

अले परमप्रभु परमेश्‍वरयागु सेवा यायेत व वय्‌कःया नामय् सुवाः बीत अले मुद्दा क्‍वःछित वय्‌कलं ल्‍ययादीपिं लेवी पुजाहारीत न्‍ह्यःने वयेमाः।

व्‍यवस्‍था 33:1

थः सिनावने न्‍ह्यः परमेश्‍वरया मनू मोशां इस्राएलीतय्‌त ब्‍यूगु सुवाः थ्‍व खः।

हिब्रू 7:1

थ्‍व मल्‍कीसेदेक शालेमयाम्‍ह जुजु, अले दकलय् तःधंम्‍ह परमेश्‍वरया पुजाहारी खः। लडाइँलय् जुजुपिन्‍त त्‍याकाः लिहां वयाच्‍वंम्‍ह अब्राहामयात नाप लानाः मल्‍कीसेदेकं आशिष बिल।

हिब्रू 7:7

तःधंम्‍हय्‌सिनं चिधंम्‍हय्‌सित आशिष बी धकाः ला सि हे स्‍यू।

यहोशू 8:33

इस्राएलीतय्‌त सुवाः बीमा धकाः परमप्रभुया दास मोशां न्‍हापा हे उजं ब्‍यू थें परदेशी, स्‍वदेशी, सकल इस्राएली, इमि नायःत, हाकिमत व न्‍याय याइपिंनापं परमप्रभुयागु बाचा चिनादीगु सनू क्‍वबिपिं लेवी पुजाहारीतय्‌गु न्‍ह्यःने सनूया निखेपाखे बच्‍छि एबाल डाँडाया लिक्‍क व मेपिं बच्‍छि गीरीज्‍जीम डाँडाया लिक्‍क दन।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

२ यूहन्‍ना 1:3

अले थ्‍व हे सत्‍य व मायां यानाः परमेश्‍वर बाः व वय्‌कःया काय् येशू ख्रीष्‍टं झीत दया माया व शान्‍ति बियादी।