गन्‍ती 6:20 - नेवाः बाइबल

²⁰ अले पुजाहारीं उमित विशेष देछाकथं परमप्रभुया न्‍ह्यःने संकी, पुजाहारीया निंतिं विशेष देछाया छाति व परमप्रभुया न्‍ह्यःने संकूगु पवित्र देछाया खम्‍पानापं थुपिं पवित्र ब्‍व खः। थ्‍व ज्‍याखँ क्‍वचाय् धुंकाः नाजिरीं दाखमद्य त्‍वने फइ।

गन्‍ती 6:20 ပူးပေါင်းရင်းမြစ်များ

उपदेशक 9:7

थःगु लँपुइ हुँ, थःम्‍हं नयेगु नसाय् लय्‌ताया च्‍वँ, लय्‌तातां दाखमद्य त्‍वँ, छाय्‌धाःसा छं याःगु ज्‍यायात परमेश्‍वरं ज्‍यू धाःगु दु।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

लेवी 10:15

नये न्‍ह्यः धाःसा पुजाहारीं ह्याकुला व खम्‍पाया व द्यःने तयातःगु विशेष भेटीया दाः वेदी न्‍ह्यःने हयाः परमप्रभुया निंतिं संकाबीगु बलिकथं छाये हयेमाः। उबलय् जक परमप्रभुया उजंकथं थ्‍व सदांया निंतिं छ व छिमि काय् म्‍ह्याय्‌पिनिगु ब्‍व जुइ।”

लेवी 23:11

विश्रामबारया कन्‍हय् खुन्‍हु पुजाहारीं उकियात परमप्रभुया न्‍ह्यःने यंकाः संकाः देछायेमाः। अले जिं उकियात छिमिगुपाखें लःल्‍हानाकाये।

लेवी 7:30

वं परमप्रभुया निंतिं विशेष देछा थःगु ल्‍हातिं हयेमाः। वं दाः ह्याकुला नाप हयाः परमप्रभुया न्‍ह्यःने संकाबीगु बलिया निंतिं देछायेमाः।

लेवी 7:31

पुजाहारीं दाः वेदीइ छ्वय्‌केमाः। ह्याकुला धाःसा हारून व वया काय्‌पिनिगु जुइ।

लेवी 7:32

छिमिसं जव खम्‍पा नं मेलबलिं भेटीकथं पुजाहारीयात बीमाः।

लेवी 7:34

छाय्‌धाःसा इस्राएलीतय्‌गु मेलबलिं संकूगु ह्याकुला व खम्‍पा जिं छिमिके कयाः पुजाहारीतय्‌त इस्राएलीतय्‌गुपाखें न्‍ह्याबलेंया निंतिं बियागु दु।’”

लेवी 9:21

मोशां उजं ब्‍यू थें वं ह्याकुला व जव खम्‍पाया लाफः नापं संकाः परमप्रभुया न्‍ह्यःने संकाबीगु बलिकथं छाल।

जकरिया 10:7

एफ्राइमयापिं मनूत वीर सिपाइँत थें जुइ, दाखमद्य त्‍वनाः लय्‌ताःगु थें इमिगु मन जुइ। इमि मस्‍त थ्‍व खनाः लय्‌ताइ। परमप्रभुयाके इमिगु नुगः लय्‌ताइ।

जकरिया 9:15

दक्‍व शक्ति दुम्‍ह परमप्रभुं थः मनूतय्‌त रक्षा यानादी। इमिसं थः शत्रुतय्‌त नाश यानाबी, इमिसं शत्रुतय्‌त ल्‍वहँतं कय्‌काः बुकी। अले इपिं दाखमद्य त्‍वंपिं थें लडाइँलय् ततःसलं हाली। इपिं वेदीया कुन्‍चाय् कुन्‍चाय् हि छ्वाकीगु तःग्‍वःगु ख्‍वला थें हिं जाःगु जुइ।

जकरिया 9:17

इपिं गुलि यइपुस्‍से च्‍वनी अले गुलि बांलाइ। देशयागु अन्‍न नयाः दाखया ति त्‍वनाः ल्‍याय्‌म्‍ह ल्‍यासेत बल्‍लानावइ।

गन्‍ती 18:18

अले संकाबीगु बलिया ह्याकुला व जव खम्‍पा थें थुकियागु ला नं छंगु हे जुइमाः।

गन्‍ती 5:25

पुजाहारीं व मिसायागु ल्‍हातिं तछ्व चुंयागु अन्‍नबलि कयाः परमप्रभुया न्‍ह्यःने ल्‍ह्वनाः वेदीइ छायेमाः।

गन्‍ती 6:21

“‘भाकल यानाः परमप्रभुया निंतिं अर्पण याःपिं मनूतय्‌गु बारे यायेमाःगु विधि थ्‍व हे खः। उगु इलय् परमप्रभुयात थथे याना हे देछा छायेमाः। इमिसं मेगु देछा तनेफुसा इमिसं थथे यायेफु, इमिसं छु भाकल याःगु खः व नाजिरीया नियमकथं पूवंकेमाः।’”

मत्ती 26:29

जिं छिमित धाये – जिमि बाःयागु राज्‍यय् न्‍हूपिं जूपिं छिपिंनाप दाखमद्य मत्‍वंतले जिं आवंनिसें थ्‍व दाखमद्य त्‍वने मखुत।”

मर्कूस 14:25

जिं छिमित धात्‍थें धाये – परमेश्‍वरयागु राज्‍यय् न्‍हूकथं दाखरस मत्‍वंतले जिं आवंनिसें दाखरस त्‍वने मखुत।”

यूहन्‍ना 19:30

वय्‌कलं पाउँति त्‍वने धुंकाः थथे धयादिल “आः सिधल।” अले वय्‌कलं छ्यं क्‍वछुनाः थःगु प्राण त्‍वःतादिल।