गन्‍ती 6:2 - नेवाः बाइबल

² “इस्राएलीतय्‌त धा, ‘सुं नं मिसां वा मिजंनं थःत परमप्रभुया निंतिं फ्‍यायेत व नाजिरी जुइत भाकल याःगु दुसा

गन्‍ती 6:2 ပူးပေါင်းရင်းမြစ်များ

प्रस्‍थान 33:16

जिपिंनापं मवंतले जि व जिमि मनूतय्‌सं छिगु दया जिमिके दु धकाः गथे यानाः सीकेगु? मेगु छु खं जि व छिकपिनि मनूत पृथ्‍वी च्‍वंपिं मनूत स्‍वयाः अलग जुइ?”

हितोपदेश 18:1

याकःचा जक जुइम्‍ह मनुखं थःगु जक बिचाः याइ। वं मेपिनिगु खःगु खँ नं मानय् याइ मखु।

यर्मिया 35:6

तर इमिसं लिसः बिल, “जिमिसं दाखमद्य त्‍वने मखु, छाय्‌धाःसा रेकाबया काय् जिमि पुर्खा योनादाबं जिमित थथे आज्ञा ब्‍यूगु खः, ‘छिमिसं व छिमि सन्‍तानतय्‌सं गुबलें दाखमद्य त्‍वने मते।

लेवी 20:26

छिपिं जिगु निंतिं पवित्र जुइमाः, छाय्‌धाःसा जि परमप्रभु पवित्र खः। अले जिं छिमित थः मनूत यायेत मेगु जातितपाखें अलग तयागु खः।

लेवी 27:2

“इस्राएलीतय्‌त धा, ‘सुं मनुखं भाकल पूवंकेत परमेश्‍वरयात सुं मनू देछाल धाःसा व मनूयागु मू थुकथं क्‍वःछ्यु।

गन्‍ती 30:3

“थः बौया छेँय् च्‍वनाच्‍वंबलय् हे सुं ल्‍यासेम्‍ह मिसां परमप्रभुलिसें भाकल यात वा बचं बियाः पाफल धाःसा,

गन्‍ती 6:1

परमप्रभुं मोशायात धयादिल,

लूका 1:15

थ्‍व मचा परमप्रभुया न्‍ह्यःने तसकं तःधं जुइ। वं अय्‌लाः थ्‍वँ छुं हे त्‍वनी मखु। मांया प्‍वाथंनिसें हे पवित्र आत्‍मां जायाच्‍वंम्‍ह जुइ।

प्रेरित 18:18

अथे जुइ धुंकाः नं तःन्‍हु तक पावल विश्‍वासी दाजुकिजापिं नाप अन हे च्‍वन। अले पावल, प्रिस्‍किला व अकिलास नाप लःजहाजय् च्‍वनाः सिरियापाखे वन। वने न्‍ह्यः पावलं थःम्‍हं भाकल याःथें किंक्रियाय् सँ खात।

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

गलाती 1:15

अय्‌नं दया यानादीम्‍ह परमेश्‍वरं जि बु हे मबूनिबलय् निसें जितः ल्‍ययादिल। अले थथे वय्‌कःयागु ज्‍या याके छ्वयाहयादिल।

हिब्रू 7:27

वय्‌कलं मेपिं दकलय् तःधंपिं पुजाहारीतय्‌सं थें न्‍हियान्‍हिथं थःगु व मेपिनिगु पापयागु निंतिं बलि बियाच्‍वने माःगु मदु, छाय्‌धाःसा थःत लः ल्‍हानादीबलय् हे वय्‌कः सदांया निंतिं छकलं बलिदान जुइ धुंकल।

न्‍यायकर्ता 13:14

वं दाखया मां वःगु छुं नं नये मज्‍यू। दाखमद्य वा मेगु छुं नं काइगु त्‍वँसा वं त्‍वने मज्‍यू। वं अशुद्धगु नसा नये मज्‍यू। जिं छु छु आज्ञा बियागु दु वं व फुक्‍क मानय् यायेमाः।”

न्‍यायकर्ता 13:4

आः छं जिं धाःथें या, होश याना जु, दाखमद्य वा मेगु काइगु त्‍वँसा त्‍वने मते, अले छुं अशुद्धगु नसा नये मते।

न्‍यायकर्ता 13:5

छाय्‌धाःसा छं प्‍वाथय् दयाः छम्‍ह काय् बुइकी। वयागु सँ गुबलें चाये मते, छाय्‌धाःसा व मचा बूखुन्‍हुंनिसें हे परमेश्‍वरया निंतिं अलग तःम्‍ह नाजिरी जुइ। वं हे इस्राएलयात पलिश्‍तीतय्‌गु ल्‍हातं त्‍वःतकेगु ज्‍या शुरु याइ।”

न्‍यायकर्ता 16:17

उकिं वं खःगु खँ धयाबिल। वं धाल, “बूसांनिसें परमेश्‍वरया निंतिं अलग तःम्‍ह नाजिरी जूगुलिं जिगु छेँनय्‌ आः तक ख्‍वःचा लाःगु मदुनि। जिगु सँ खात धाःसा जिगु बल जिकेनं वनी, अले जि मेपिं थें कमजोर जुइ।”

१ शमूएल 1:28

अथे जुयाः जिं थ्‍वयात परमप्रभुयात हे लःल्‍हाये। थ्‍व जिवंकाछिया निंतिं परमप्रभुयाम्‍ह हे जुइ।” अले इमिसं अन परमप्रभुया आराधना यात।