गन्‍ती 6:18 - नेवाः बाइबल

¹⁸ “‘अनंलि नाजिरीं नापलायेगु पालया ध्‍वाखाया न्‍ह्यःने च्‍वनाः थःम्‍हं छाःगु सँ खायेमाः, अले उकियात मेलबलिया क्‍वय् मिइ तयाबीमाः।

गन्‍ती 6:18 ပူးပေါင်းရင်းမြစ်များ

गन्‍ती 6:17

वं परमप्रभुया निंतिं मेलबलिकथं भ्‍याःचानापं दालाय् दुगु सोडा मतःगु मरि, उकियागु अन्‍नबलि व त्‍वँसाबलि नं छायेमाः।

गन्‍ती 6:5

“‘वं ग्‍वःन्‍हु तक अलग जुइगु भाकल याःगु खः वन्‍हु तक वं थःगु छेनय् ख्‍वःचा मछ्यलेमाः, गुबलय् तक परमप्रभुया निंतिं थःत अलग तइ, व ई पूमवंतले व शुद्ध जुयाच्‍वनेमाः। वं थःगु सँ ताहाकः जुइके बीमाः।

गन्‍ती 6:9

“‘सुं मनू वयागु न्‍ह्यःने हे आकाझाकां सिनाः वं अर्पण याःगु सँ अशुद्ध जुल धाःसा वं न्‍हय्‌न्‍हु दय्‌काः सँ खानाः थःत शुद्ध यायेमाः।

लूका 17:10

अथे हे छिमिसं नं छिमित या धकाः धाःगु ज्‍या याये सिधय्‌का थथे धा – ‘जिपिं ला च्‍यःत जक खः। जिमिसं ला जिमित ब्‍वःगु ज्‍या जक याना।’”

प्रेरित 18:18

अथे जुइ धुंकाः नं तःन्‍हु तक पावल विश्‍वासी दाजुकिजापिं नाप अन हे च्‍वन। अले पावल, प्रिस्‍किला व अकिलास नाप लःजहाजय् च्‍वनाः सिरियापाखे वन। वने न्‍ह्यः पावलं थःम्‍हं भाकल याःथें किंक्रियाय् सँ खात।

प्रेरित 21:23

“उकिं जिमिसं धया थें यानादिसँ। जिमिथाय् भाकल यानाच्‍वंपिं प्‍यम्‍ह मनूत दु।

प्रेरित 21:24

इपिं लिसे शुद्ध जुइत छि नं देगलय् झासँ। अले इमित सँ खायेत नं छिं हे धिबा पुलाबिया दिसँ। अले तिनि छिं थथे व्‍यवस्‍थाय् च्‍वया तः थें याःगु खनाः इमिसं थःपिन्‍सं न्‍यनातःगु खँ मखु धकाः ताय्‌की।

प्रेरित 21:26

अले पावलं उपिं मनूतय्‌त ब्‍वना यंकाः कन्‍हय् खुन्‍हु हे इपिं प्‍यम्‍ह नाप देगलय् वन। इमिसं शुद्ध याये धुंकूगु खः। उकी वं इमिगु भाकल पूवनीगु दिं व इपिं छम्‍ह छम्‍हय्‌सिगु निंतिं बां स्‍यायेगु दिं पुजाहारीतय्‌त कन।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।