गन्‍ती 5:3 - नेवाः बाइबल

³ मिसाम्‍ह जूसां मिजंम्‍ह जूसां इमित छाउनीं पितिनाछ्व। इमिसं यानाः जि च्‍वनेगु छिमिगु छाउनी अशुद्ध मजुइमा।”

गन्‍ती 5:3 ပူးပေါင်းရင်းမြစ်များ

१ राजा 7:3

थामय् दिनाच्‍वंगु उपिं धलिंया च्‍वय् देवदारुया पौ तयाबिल। छगू छगू झ्‍वलय् झिंन्‍यापु (१५) धलिं यानाः मुक्‍कं पिइन्‍यापु (४५) धलिं दु।

भजनसंग्रहया सफू 68:18

हे परमप्रभु परमेश्‍वर, छि तःजाःथाय् थाहां झाःबलय् छिं कैदीतय्‌त ज्‍वनाः झाल। छिं मनूतय्‌गु देछा कयादिल, विद्रोहीतय्‌गु देछा तकं कयादिल, हे परमप्रभु परमेश्‍वर, छि अन सदांया निंतिं च्‍वनादी।

प्रस्‍थान 25:8

“जि इमिगु दथुइ च्‍वनेत इमिसं जिगु निंतिं छगू नापलायेगु पाल दय्‌केमाः।

प्रस्‍थान 29:45

जि इस्राएलीतय्‌गु दथुइ बाय् च्‍वने, अले जि इमि परमेश्‍वर जुइ।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

लेवी 14:8

“ल्‍वगिं थःगु वसः हियाः म्‍हय् च्‍वंगु फुक्‍क सँ खानाः म्‍वःल्‍हुइमाः। अले तिनि व धात्‍थें शुद्ध जुइ, अले छाउनीइ दुहां वने खनी। अय्‌जूसां न्‍हय्‌न्‍हु तक धाःसा व थःगु पालं पिने हे च्‍वनेमाः।

लेवी 15:31

“‘थुकथं छिमिसं इस्राएलीतय्‌त अशुद्ध याइगु खँपाखें अलग तयेमाः। मखुसा इमिसं थःपिन्‍थाय् च्‍वंगु जिगु पवित्र पालयात अशुद्ध याइ। अले इपिं थःपिनिगु अशुद्ध खँया हुनिं सी माली।’”

गन्‍ती 16:3

इपिं मोशा व हारूनयागु विरोध यायेत मुनाः इमित धाल, “छिं थःत तसकं तःधंकादीगु दु! खलःया फुक्‍क मनूत पवित्र जू, अले परमप्रभु इमिगु दथुइ दी। छाय् छिकपिन्‍सं थःपिन्‍त परमप्रभुया मुँज्‍या स्‍वयाः तःधंकादियागु?”

गन्‍ती 19:22

अशुद्धम्‍ह मनुखं न्‍ह्यागु हे थ्‍यूसां व अशुद्ध जुइ। अले व थ्‍यूगु खँ मेम्‍हय्‌सिनं थिल धाःसा व नं सन्‍ध्‍याकाः इलय् तक अशुद्ध जुइ।”

गन्‍ती 35:34

छिपिं च्‍वंवनेत्‍यंगु देशय् जि थः हे नं च्‍वनेगु जूगुलिं व देशयात अशुद्ध याये मते। जि परमप्रभु इस्राएलीतय् दथुइ च्‍वनीम्‍ह खः।’”

गन्‍ती 5:4

इस्राएलीतय्‌सं अथे हे यात। इमिसं अज्‍याःपिं मनूतय्‌त छाउनीं पितिनाछ्वत। परमप्रभुं मोशायात धयादी थें इस्राएलीतय्‌सं यात।

व्‍यवस्‍था 23:14

परमप्रभु छिमि परमेश्‍वर छिमित बचय् यायेत अले छिमिगु निंतिं छिमि शत्रुतय्‌त बुकेत छिमिगु छाउनीइ चाःहिलादी। अथे जुयाः छिमिगु छाउनी पवित्र जुइमाः। वय्‌कलं छिमिगु दथुइ घच्‍चाइपुगु छुं नं मखनेमा, मखुसा वय्‌कलं छिमित त्‍वःतादी।

व्‍यवस्‍था 23:15

मेगु देशं बिस्‍युं वंम्‍ह दास छिमिगु शरणय् वल धाःसा वयात वया मालिकया ल्‍हातय् लःल्‍हाये मते।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

तीतस 3:10

मनूतय्‌त ल्‍वाका जुइपिन्‍त छकः निकः न्‍वाना नं मजिल धाःसा व नाप जुइ मते।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।