गन्‍ती 5:18 - नेवाः बाइबल

¹⁸ पुजाहारीं व मिसायात परमप्रभुया न्‍ह्यःने थनाः वयागु सँ फ्‍यनाबीमाः। अले वयागु ल्‍हातय् दसिया बलि अर्थात दाहया अन्‍नबलि तयाबीमाः। पुजाहारीं सराः लाइगु खायुगु लः थःगु ल्‍हातिइ कायेमाः।

गन्‍ती 5:18 ပူးပေါင်းရင်းမြစ်များ

हितोपदेश 5:4

लिपा व बिख थें खाइसे व निखें धाः दुगु तरवार थें जुइ।

उपदेशक 7:26

व हे मिसा गुम्‍ह छगू स्‍वःतिपाँय् थें खः, वयात जिं सीगु स्‍वयाः नं खायुगु लुइका। वयागु नुगः जाः अले वयागु ल्‍हाः धाःसा सिखलं चिनातःगु थें खः। सु मनुखं परमेश्‍वरयात लय्‌ताय्‌की, व बचय् जुइ तर पापीयात वं स्‍वःतिपाँय्‌लय् क्‍यंकी।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

लेवी 13:45

“पुनेयःगु ल्‍वय् दुम्‍ह मनुखं खुनातःगु वसः फीमाः, अले वयागु छ्यंयागु सँ भुलुसुलु दंका तयेमाः। वं थःगु म्‍हुतु त्‍वपुयाः तःसलं ‘अशुद्ध! अशुद्ध! अशुद्ध!’ धकाः हालेमाः।

गन्‍ती 5:15

वं थः कलाःयात पुजाहारीयाथाय् हयेमाः। वं थःनापं देछाकथं छगू एपाया झिब्‍वय् छब्‍व तछ्व चुं नं हयेमाः। तछ्व चुं चिकं व धुपाँय्‌ मतसे हयेमाः। छाय्‌धाःसा थ्‍व दोषयात लुमंकाबीगु अन्‍नबलि खः, अले नुगः मुयाः छायेहःगु बलि खः।’

गन्‍ती 5:17

पुजाहारीं चाया थलय् नीलः भचा कयाः उकी पवित्र पालया बँय् च्‍वंगु धू कयाः तयाबीमाः।

गन्‍ती 5:19

अले पुजाहारीं व मिसायात पाफय्‌काः थथे धायेमाः, “छ मेपिं सुं मिजंनाप द्यनागु मदुसा, छ थः भाःतनापं ह्वनाः च्‍वनाबलय् छं थःत अशुद्ध यानागु मदुसा, छन्‍त थ्‍व खायुगु लखं छुं याइ मखु।

गन्‍ती 5:22

थ्‍व लः छंगु प्‍वाथय् दुहां वनाः प्‍वाः मनावयेमा, अले छंगु गर्भ ध्‍वग्‍गिकादीमा।” “‘अले व मिसां “आमेन, थथे हे जुइमा” धायेमा।

१ कोरिन्‍थी 11:15

मिसातय्‌सं ताहाःकय्‌क सँ लहिना तयेगु तसकं बांलाः। छ्यं त्‍वपुइत हे मिसातय्‌त ताहाःकगु सँ बियातःगु खः।

१ कोरिन्‍थी 11:6

थथे छ्यं त्‍वपुइ मयःम्‍ह मिसां सुचुक सँ खाना छ्वयेगु हे बांलाः। अय्‌नं सुचुक सँ खायेगु व चिहाकय्‌क चायेगु लज्‍यायागु खँ खःसा वं छ्यं त्‍वपुइमाः।

व्‍यवस्‍था 29:18

परमप्रभु झी परमेश्‍वरपाखें फहिलाः उपिं जातिया द्यःतय्‌त पुजा यायेगु मनदुपिं सुं मिजं वा मिसा, वंश वा कुल छिमिगु दथुइ मदु धइगु खँ पक्‍का या। होश या! थज्‍याःगु खायुगु बिख दय्‌कीगु छुं हा छिमिगु दथुइ मदयेमाः।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

१ शमूएल 15:32

अनंलि शमूएलं धाल, “अमालेकीतय् जुजु अगागयात थन हजि।” अगाग ढुक्‍क जुयाः थथे बिचाः यायां वल, “धात्‍थें हे जितः स्‍याइ मखुत, जि बचय् जुल।”