गन्‍ती 4:33 - नेवाः बाइबल

³³ मरारीतय् वंशं नापलायेगु पालय् हारून पुजाहारीया काय् ईतामारं धाःथें यायेमाःगु ज्‍या थ्‍व हे खः।”

गन्‍ती 4:33 ပူးပေါင်းရင်းမြစ်များ

प्रस्‍थान 38:21

बजलेलं वँचुगु, प्‍याजीगु व ह्याउँगु रंगयागु सुति कापतय् बुत्ता भरय् यायेसःम्‍ह व थायेसःम्‍ह ओहोलीआबयात नापं कयाः ज्‍या सिधय्‌कल। इपिं निम्‍ह जानाः परमप्रभुं मोशापाखें बियादीगु उजं पूवंकल। मोशां हारून पुजाहारीया काय् ईतामारयात नापलायेगु पालय् छ्यःगु लुँ, वहः व कँय्‌या ल्‍याःचा तयेगु जिम्‍मा बिल।

यशैया 3:6

व दिं वइतिनी, मनूतय्‌सं थः हे बौया छेँ छम्‍ह दाजुयात ज्‍वनाः थथे धाइ, “छंके ला फीत तपाःलं दु, थ्‍व नाशया द्वंलय् छ हे जिमिगु नायः जुयाब्‍यु।”

गन्‍ती 4:28

नापलायेगु पालय् गेर्शोनीतय् वंशयागु ज्‍या थ्‍व हे खः। इमिसं हारून पुजाहारीया काय् ईतामारं धाःथें ज्‍या यायेमाः।”

गन्‍ती 4:32

चुकया प्‍यखेरं च्‍वंगु थांत व उकिया लिधंसात, पालया निंतिं माःगु नकिंत व खिपः, अले ज्‍याय् छ्यलिगु थीथी कथंया सामान क्‍वबीगु। अले छम्‍ह छम्‍हय्‌सिगु नां कयाः इमिसं यायेमाःगु ज्‍या व क्‍वबिये माःगु सामान क्‍वःछिनाब्‍यु।

गन्‍ती 4:34

मोशा, हारून व खलःया थकालितय्‌सं कहातीतय्‌त वंश व परिवारकथं ल्‍याः खात।

गन्‍ती 7:8

प्‍यंगः गाडा व च्‍याम्‍ह द्वहं हारून पुजाहारीया काय् ईतामारं ज्‍या ब्‍व थें याइपिं मरारीतय्‌त इमिगु ज्‍याकथं बिल।

यहोशू 3:6

यहोशूं पुजाहारीतय्‌त थथे धाल, “बाचा चिनादीगु सनू क्‍वबियाः मनूतय् न्‍ह्यः न्‍ह्यः हुँ।” अथे जुयाः इपिं बाचा चिनादीगु सनू क्‍वबियाः मनूतय् न्‍ह्यः न्‍ह्यः वन।