गन्‍ती 4:32 - नेवाः बाइबल

³² चुकया प्‍यखेरं च्‍वंगु थांत व उकिया लिधंसात, पालया निंतिं माःगु नकिंत व खिपः, अले ज्‍याय् छ्यलिगु थीथी कथंया सामान क्‍वबीगु। अले छम्‍ह छम्‍हय्‌सिगु नां कयाः इमिसं यायेमाःगु ज्‍या व क्‍वबिये माःगु सामान क्‍वःछिनाब्‍यु।

गन्‍ती 4:32 ပူးပေါင်းရင်းမြစ်များ

१ इतिहास 9:29

मेपिं ध्‍वाखा पिवाःतय्‌गु जिम्‍माय् मेगु सामान, छुचुं, दाखमद्य, जैतूनया चिकं, गुँगू व मसला दु।

प्रस्‍थान 25:9

जिं छन्‍त क्‍यनेत्‍यनागु नमूनाकथं छं नापलायेगु पाल व उकियागु फुक्‍कं ज्‍वलं दय्‌कि।

प्रस्‍थान 27:9

“पवित्र पालया चुक दय्‌केत प्‍यखेरं ख्‍वातुगु कापतं ग्‍व। उकिया दच्‍छिन ब्‍व ४४ मिटर हाकः दुगु जुइमाः। थुपिं ख्‍वातुगु कापः भिंगु सुति कां दय्‌कूगु जुइमाः।

प्रस्‍थान 38:17

चुकया थांतय्‌गु लिधंसा कँय्‌यागु जुल। थुकथं चुकया फुक्‍क थांत वहःयागु डण्‍डीं स्‍वानाः च्‍वंगु दु।

प्रस्‍थान 38:21

बजलेलं वँचुगु, प्‍याजीगु व ह्याउँगु रंगयागु सुति कापतय् बुत्ता भरय् यायेसःम्‍ह व थायेसःम्‍ह ओहोलीआबयात नापं कयाः ज्‍या सिधय्‌कल। इपिं निम्‍ह जानाः परमप्रभुं मोशापाखें बियादीगु उजं पूवंकल। मोशां हारून पुजाहारीया काय् ईतामारयात नापलायेगु पालय् छ्यःगु लुँ, वहः व कँय्‌या ल्‍याःचा तयेगु जिम्‍मा बिल।

गन्‍ती 3:36

मरारीतय्‌त पवित्र पालया सिँपौ, खगः, थां, लिधंसा व उकिया फुक्‍क हलंज्‍वलं,

गन्‍ती 3:8

इमिसं नापलायेगु पालया फुक्‍क ज्‍वलंयागु जिम्‍मा कायेमाः। अले फुक्‍क इस्राएलीतय्‌गु निंतिं पवित्र पालया ज्‍या यायेमाः।

गन्‍ती 4:31

इमिसं नापलायेगु पालय् यायेमाःगु ज्‍या थुकथं दु – पवित्र पालया सिँपौत, उकिया खगः, थांत व लिधंसात,

गन्‍ती 4:33

मरारीतय् वंशं नापलायेगु पालय् हारून पुजाहारीया काय् ईतामारं धाःथें यायेमाःगु ज्‍या थ्‍व हे खः।”

गन्‍ती 4:49

परमप्रभुं मोशायात बियादीगु उजंकथं इपिं छम्‍ह छम्‍हय्‌सित ज्‍या यायेत व कु क्‍वबीत ल्‍यःगु खः। थुकथं परमप्रभुं मोशायात बियादीगु उजंकथं हे वं इमित ल्‍याः खात।

गन्‍ती 7:1

मोशां नापलायेगु पाल धस्‍वाके धुंकाः उकियात व उकिया फुक्‍क ज्‍वलं, वेदी व उकिया फुक्‍क थलबल नापं अभिषेक यानाः पवित्र यात।

गन्‍ती 7:8

प्‍यंगः गाडा व च्‍याम्‍ह द्वहं हारून पुजाहारीया काय् ईतामारं ज्‍या ब्‍व थें याइपिं मरारीतय्‌त इमिगु ज्‍याकथं बिल।