गन्‍ती 4:14 - नेवाः बाइबल

¹⁴ अले इमिसं उकिया द्यःने वेदीया सेवा यायेत छ्यलिगु ज्‍वलं नापं मिथल, ला लिकायेगु नतू, नउ तुइगु चतं व हि छ्वाकेगु बाता तयाः द्यःने डल्‍फिन न्‍याया छेंगुलिं त्‍वपुयाः न्‍वःत नं थासय् तयाबीमाः।

गन्‍ती 4:14 ပူးပေါင်းရင်းမြစ်များ

२ इतिहास 4:19

सोलोमनं परमेश्‍वरया देगःयात माःगु थुपिं ज्‍वलं नं दय्‌कल – लुँयागु वेदी, देछाःगु मरि तयेगु तेबिल,

प्रस्‍थान 27:1

“छं खयःसिँयागु २.२ मि. हाकः, २.२ मि. ब्‍या व १.३ मि. तजाःदुगु छगू प्‍यकुंलाःगु वेदी दय्‌कि।

प्रस्‍थान 27:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कि। थुपिं फुक्‍क कँय्‌यागु जुइमाः।

गन्‍ती 4:13

“इमिसं कँय्‌या वेदीं नउ लिकयाः उकी द्यःने प्‍याजीगु रंगया कापः लायाबीमाः।

गन्‍ती 4:15

“हारून व वया काय्‌पिन्‍सं पवित्र पालयागु फुक्‍क पवित्र ज्‍वलंत त्‍वपुइ धुंकाः छाउनी न्‍ह्याइबलय् जक कहातीत फुक्‍क ज्‍वलं क्‍वबीत पालया दुने दुहां वये दइ। कहातीतय्‌सं तसकं पवित्रगु ज्‍वलं थीमज्‍यू, मखुसा इपिं सी। पवित्र पालया फुक्‍क ज्‍वलं कहातीतय्‌सं क्‍वबीमाः।

गन्‍ती 4:6

अले इमिसं उकिया द्यःने डल्‍फिन न्‍याया छेंगुलिं त्‍वपुयाः उकी वँचुगु रंग छिनातःगु कापतं भुनाबीमाः। अले न्‍वःत थासय् तयाबीमाः।