गन्‍ती 4:11 - नेवाः बाइबल

¹¹ “अनंलि इमिसं लुँया वेदीयात वँचुगु कापतं त्‍वपुयाः द्यःने डल्‍फिन न्‍याया छेंगुलिं भुनाः न्‍वःत थासय् तयाबीमाः।

गन्‍ती 4:11 ပူးပေါင်းရင်းမြစ်များ

प्रस्‍थान 39:38

लुँयागु वेदी, अभिषेक यायेगु चिकं, नस्‍वाःगु गुँगू, पवित्र पालया लुखाया पर्दा,

प्रस्‍थान 40:5

बाचाया सनूया न्‍ह्यःने दुगु पर्दाया पिने लुँयागु गुँगू थनेगु वेदी तयाब्‍यु, अले पवित्र पालया लुखाय् पर्दा यख्‍खानाब्‍यु।

गन्‍ती 4:10

अले इमिसं थ्‍व फुक्‍कयात डल्‍फिन न्‍याया छेंगुलिइ प्‍वःचिनाः दुवालय् तयाबीमाः।

गन्‍ती 4:12

“इमिसं पवित्र पालय् दुगु फुक्‍क ज्‍वलं वँचुगु कापतय् प्‍वःचिनाः डल्‍फिन न्‍याया छेंगुलिं त्‍वपुयाः दुवालय् तयाबीमाः।

गन्‍ती 4:6

अले इमिसं उकिया द्यःने डल्‍फिन न्‍याया छेंगुलिं त्‍वपुयाः उकी वँचुगु रंग छिनातःगु कापतं भुनाबीमाः। अले न्‍वःत थासय् तयाबीमाः।

प्रकाश 8:3

मेम्‍ह छम्‍ह स्‍वर्गदूत ल्‍हातिइ लुँयागु गुँगू थनीगु मकः ज्‍वनाः वेदीया लिक्‍क दं वल। विश्‍वासीतय्‌गु प्रार्थनालिसें सिंहासनया न्‍ह्यःने च्‍वंगु लुँयागु वेदीइ च्‍याकेत धकाः वयात यक्‍व गुँगू बिल।